Qazaqstannyŋ bas prokurory Berık Asylov Twitter-de 2019 jyldan berı aiaqtalǧan sybailas jemqorlyq ısterı boiynşa keltırılgen şyǧyn kölemın atady, - dep habarlaidy "Adyrna" ūlttyq portaly.
«Memleket basşysy Joldauda jemqorlyqqa jol bergen şeneunıkterden zaŋsyz jolmen alynǧan qarajatqa mektep salu tetıgın äzırleudı tapsyrdy.
2019 jyldan berı aiaqtalǧan sybailas jemqorlyq qylmystyq ısterı boiynşa keltırılgen şyǧyn kölemı 29 milliard teŋgeden asty.
Ol prokurorlarǧa zaŋsyz jolmen alynǧan qarajat pen mülıktı öndırıp aludy qadaǧalaudy küşeitudı tapsyrdy. Ükımetpen bırlese otyryp, Elbasynyŋ bastamasyn jüzege asyruǧa kırısemız», - dep jazdy Bas prokuror.Eske salaiyq, 1 qyrküiekte prezident Qasym-Jomart Toqaev Qazaqstan halqyna Joldauynda jemqor şeneunıkterden tärkılengen aqşa Qazaqstanda mektep saluǧa jūmsalatynyn aitqan bolatyn. Sondai-aq Bas Prokuror Memleket basşysynyŋ tapsyrmasy boiynşa kelesı jyly 100 myŋ jas qosymşa jūmyspen qamtylatynyn atap öttı. Olarǧa jeŋıldetılgen nesie de qoldau körsetıledı.
"Būl qadam olardyŋ äleumettık-ekonomikalyq damuyna oŋ äserın tigızedı. Statistikalyq mälımetterge süiensek, qylmystyŋ 90 paiyzyn jūmyssyzdar jasaidy, sondyqtan būl būiryqtyŋ oryndaluy eldegı qylmystyq ahualdy jaqsartatyny sözsız", - dedı Asylov.
"Adyrna" ūlttyq portaly
