Almatyda Nurmaǵambetovty qurmetpen eske alý kúni ótti

2361

Osydan 5 jyl buryn 2013 jylǵy 24 qyrkúıekte Keńes Odaǵynyń Batyry, Halyq Qaharmany, Qazaqstan Respýblıkasynyń alǵashqy Qorǵanys mınıstri, armııa generaly Saǵadat Qojahmetuly Nurmaǵambetov ómirden ozǵan edi. Búgin Tólebaev pen Jambyl qıylysynda memorıaldyq taqtaǵa gúl shoqtaryn saltanatty qoıý rásimi ótti. Halyq Qaharmany Saǵadat Nurmaǵambetovty eske alýǵa onyń týysqandary men dostary, QR QK ardagerleri men Almaty óńirlik garnızony áskerı qyzmetshileri, Almaty qalasy qorǵanys isteri jónindegi departamenti basshylyǵy qatysty.
Halyq Qaharmany Nurmaǵambetov Saǵadat Qojahmetuly, ulty-qazaq, 1924 jyly 25 mamyrda elınograd oblysy Alekseev aýdanynda (qazirgi Aqmola oblysy Aqkól aýdanynda) dúnıege kelgen.
1942 jyly mektep  partasynan Qyzyl Armııa qataryna shaqyrylyp, Túrkimenstannyń  Kýshka qalasyndaǵy áskerı ýchılıege jiberiledi. Oqýyn bitirgen soń 1943 jyldyń sáýir aıynan  Uly Otan soǵysynyń  maıdandarynda boldy. 1945 jyldyń mamyr aıyna deıin pýlemet vzvodynyń komandıri, pýlemet rotasynyń komandıri, 5-ekpindi armııanyń II dárejeli Sývorov ordendi  301 Donek Berlın atqyshtar dıvızııasynyń  1052 atqyshtar polki quramynda atqyshtar batalonynyń komandıri laýazymynda soǵysqan.
1991 jyly 25 qazanda Qazaqstan Respýblıkasynyń Prezıdentiniń Jarlyǵymen Memlekettik qorǵanys komıtetiniń tóraǵasy, al 1992 jyldyń mamyrynda QR Qorǵanys mınıstri bolyp taǵaıyndaldy.
1995 jyldyń qarasha aıynda armııa generaly ataǵymen otstavkaǵa shyqty.
Saǵadat Qojahmetuly Lenın, 2 Qyzyl Juldyz, 1,2- dárejeli Otan soǵysy, Qyzyl Tý, "Qurmet belgisi", Oktıabr revolıýııasy, "Otan" ordenderimen, medaldarmen, shetelderdiń orden, medaldarymen marapattalǵan.
1994 jylǵy 23 mamyrda Memleket basshysynyń Jarlyǵymen Saǵadat Qojahmetuly Nurmaǵambetovke Halyq Qaharmany ataǵy men № 1 «Altyn Juldyz» tabys etilgen.
Sonymen qatar Úkimet Qaýlysymen Astana qalasyndaǵy «Jas ulan» mektebine armııa generaly Saǵadat Nurmaǵambetovtiń esimi berilgen.
Halyq qaharmany Saǵadat Qojahmetuly el esinde máńgi saqtalyp, tarıhta aty qala bermek.

Qarlyǵash Musabekqyzy

Pikirler
Redakııa tańdaýy