Almaty qalasyndaǧy Jazuşylar kıtaphanasynda Konstitusiia künı qarsaŋynda «Adyrna» bırlestıgınıŋ Almaty qalasy Işkı ıster basqarmasy qoldauymen «Azamattyŋ boryş» jobasy aiasynda este qalarlyq kezdesu öttı. Auǧan soǧysy ardagerlerı kıtaphana oqyrmandaryna qonaqqa kelıp öz ömırınde körgen-tüigenımen bölıstı. Ömır jolyn endı bastap kele jatqan jas ūrpaqqa būndai äŋgıme bölısuler öte kerek. Osy jobany ıske asyruşy bırlestık basşysy Arman Äubäkır, jobanyŋ jetekşısı Dos Symaǧūl, bırlestık basşysynyŋ orynbasary Beibıt Nälıbaev jäne basqalardyŋ jūmysy eş ketken joq.
Köpşılıktıŋ aldyna şyqqan Köşerbaev Serık, Başihtenov Nūrlan jäne Baqytjan Mulinov özderınıŋ bastarynan keşkenın aityp, elımızdegı qazırgı jäne älemdegı jaǧdai turasynda da pıkırlerın bıldırdı.
Polkovnik N.Bahiştenov qazaq halqynyŋ jauyngerlık qabyletı turaly aita kelıp äsırese qyz-kelınşekter erlıgıne toqtaldy. Qazaq qyzdarynyŋ baiyrǧy zamannan erkın öskenın aita kelıp, qazırgı keibır jastardyŋ terıs dıni aǧymdarǧa erıp bet-auzyn tūmşalap alatynyn synady. Dınnıŋ kiımge eş qatysy joq ekenın alǧa tartty. Jastar eŋ aldymen qazaq tarihyn, salttaryn bılıp, özderı taŋdaǧan mamandyqtyŋ üdesınen şyǧuy kerek ekenın eskerttı. Bügıngı taŋda dedı ol, keibır belgısız küşter jastardyŋ älı köp närselerdı tüsınbetındıgın paidalanuda. Bızdıŋ halqymyz qyzdarynyŋ betın jappaǧan. Sondyqtan da olardyŋ arasynan köptegen batyrlar şyqqan. Al qara kiım kiiıp tek közderı körınıp tūratyn jamylǧy jamylyp alǧandar qalaişa erkın bola alady dedı qūrmettı qonaq.
Köşerbaev S. Auǧan soǧysynda tıkūşaqtyŋ basşysy bolǧan jalǧyz qazaq ekenı jinalǧan jūrtşylyqty taŋ qaldyrdy. Ol A.Rozenbaumnyŋ özıne arnap «Qara qyzǧaldaq» degen än şyǧaru oqiǧasyn qyzǧylyqty baiandap berdı. Auǧan soǧysy ardagerı basqarǧan tıkūşaqty sol köpşılık kezde «Qara qyzǧaldaq» ataǧan eken.
B.Mulinov öz kezegınde özınıŋ basynan ötken oqiǧalarymen bölıstı. Jük tielgen maşinalar legın dūşmandar toqtatqanda jalǧyz özı qarsy şyǧyp auǧandyqtardy kerı qaitarǧany, oqşantaidaǧy oqtary tausylyp qalsa da saspai maşinasyna oralyp jaŋa oqşantailar alǧany. Sodan soŋ jaularǧa qarsy qaita bır özı şyqqany. Onyŋ osy erlıgıne orys jäne basqa ūlt ökılderı taŋ qalǧanyn. Qazaqtardyŋ būndai batyr ekenın būryn bılmeitın edık dep aitqanyn äŋgımeledı.
Törtınşı qonaq Jeltoqsan qozǧalysyna qatysqan Amanǧazy Kärıpjanūly 1986 jylǧy oqiǧalardy eske tüsırdı. Sol qandy kezeŋge arnalǧan ändı oryndap berdı.
Jastar da öz kezegınde aǧalarǧa degen qūrmetın än jäne bilerımen bıldırdı. Äsırese ataqty änşı Erkın Şükımannyŋ şäkırtı Qūrmanǧazy atyndaǧy konservatoriianyŋ studentı Bırjan änşınıŋ oryndauyndaǧy qazaqtyŋ änderı jianlǧan köpşılıktıŋ köŋılderın Alataudai biıkke köterdı. Auǧan soǧysy ardagerlerı jastardyŋ köptegen sūraqtaryna jauap berdı.
Öz kezegınde «Adyrna» ūlttyq bırlestıgınıŋ basşysy Arman Äubäkır aǧalardyŋ erlıkke tola ömır jolyna, qazırgı kezdegı saiasi uşyǧyp tūrǧan mäseleler turaly öz oiyn bıldırdı. Kıtaphana basşysy jiyndy qorytyndylap qonaqtarǧa alǧysyn bıldırdı.
Basqalarmen bölıse
otyryŋyz
