Búgin belgili saıasatker, qoǵam qaıratkeri Altynbek Sársenbaıuly kózi tiri bolǵanda 60 jasqa tolar edi.
Altynbek Sársenbaıuly — 1962 jyly 12 qyrkúıekte Almaty oblysy, Raıymbek aýdany, Qaınar aýylynda dúnıege kelgen. Qazaqstannyń memleket jáne qoǵam qaıratkeri, dıplomat, jýrnalıst.
1992 jyldan bastap Prezıdent apparatynda, QR Mınıstrler Kabınetinde jaýapty qyzmetter atqardy.
1993 jyldan Baspa jáne aqparat mınıstri, 1995 jyldan Baspa jáne aqparat jónindegi Ulttyq agenttiktiń tóraǵasy, 1997 jyldan Qoǵamdyq kelisim jáne aqparat mınıstri, 1999 jyldan QR qoǵamdyq kelisim, aqparat jáne mádenıet mınıstri boldy.
2001 jyldyń mamyrynan jeltoqsanyna deıin Qazaqstan Respýblıkasy Qaýipsizdik keńesiniń hatshysy — Qazaqstan Respýblıkasy Prezıdentiniń Ulttyq Qaýipsizdik jónindegi kómekshisi. 2002 jyldyń qańtarynan dıplomatııalyq qyzmette, Reseı Federaııasyndaǵy Qazaqstan Respýblıkasynyń Tótenshe jáne Ókiletti Elshisi qyzmetin atqardy. 2003 jyldan bastap A.Sársenbaıuly óz erkimen Prezıdentke otstavkaǵa shyǵýǵa aryz berip, qoǵamdyq-saıası qyzmetpen aınalysty.
2003 jyldyń qarasha aıynda «Aq jol» Demokratııalyq partııasynyń III sezinde biraýyzdan teń tóraǵa etip saılandy. 2005 jyldyń sáýirinen «Naǵyz Aq Jol» Qazaqstan Demokratııalyq partııasynyń teń tóraǵasy.
2006 jyldyń 11 aqpanynda Altynbek Sársenbaıulyn kómekshisi Baýyrjan Baıbosynov jáne júrgizýshisi Vasılıı Jýravlevpen birge Almaty qalasynyń syrtynda Qazaqstannyń ulttyq qaýipsizdik komıtetiniń arnaıy toby ofıerleriniń qatysýymen jasalǵan qastandyqtyń nátıjesinde qaza boldy.
"Adyrna" ulttyq portaly
