Belgılı ǧalym Amanqos Mektep-tegımen kezdesu qyzyqty boldy

3589
Adyrna.kz Telegram
http://adyrna.kz/content/uploads/2018/10/IMG_9244.jpg
Almaty qalasy Işkı saiasat basqarmasynyŋ qoldauymen «Adyrna» ūlttyq bırlestıgı bırneşe kezdesuler ötkızdı. Jaqynda Ūlttyq Ūlan gvardiiasynyŋ №75/52 äskeri bölımşesınde ǧalym Amanqos Mekteppen kezdesu öttı. Sarbazdar men sardarlar būl kezdesude qazaq tılınıŋ, jazuynyŋ  taǧdyry turaly ǧalymnyŋ äŋgımesın qyzyǧa tyŋdady. Amanqos Mektep baiyrǧy türkılerdıŋ jazuy turaly öz zertteulerınıŋ nätijesımen bölıstı. Är ärıp taŋbasynyŋ paida boluynyŋ özındık qūpiiasy bolǧandyǧyn özı daiyndaǧan keste negızınde äŋgımeledı. Ǧylymda Bıtık, Orhan, Runika jazulary dep atalatyn babalar älıpbiınıŋ tarihyna qyzyqty şolular jasaǧan ǧalym, bır saǧatqa juyq baiandama jasady. Äŋgımenı arasynda özıne qoiylǧan sūraqtarǧa tolyqqandy jauap berıp otyrdy. Özınıŋ jazǧan kıtaptaryn körsetıp, būl ǧylymi şyǧarmalarynyŋ mazmūnyna keŋınen toqtaldy. Ǧalym öz sözınıŋ ekınşı jartysynda elımız ben älemde bolyp jatqan jaǧdailarǧa da bailanysty öz pıkırın bıldırdı. Äsırese qazırgı taŋda keibıreulerdıŋ maǧynasy türlı küdıktı dıni aǧymdardyŋ yqpalyna tüsıp jatqanyn aitty. Keibır qyz-kelınşekterdıŋ men er adamdardyŋ da bızge jat kiımderdı kiıp, jaqyn äŋgımeleskende dıni bılımderınıŋ öte taiaz ekenın bılınıp tūratynyna basa nazar audardy. Kezdesuge jinalǧandarǧa osyndai keleŋsızdıkterden öz tuystarynyŋ, äsırese jastardyŋ abai boluyn eskerttı.  Qazaqtyŋ ūlttyq ruhani qūndylyqtaryn bılıp üirenuge şaqyrdy. Būl üşın elımızde barlyq jaǧdai jasalǧanyn atap aitty. Ǧalym Otan degenımız adamdar, şekara, jer kölemı, qazba bailyqtar ekenın aita kelıp, solardyŋ qatarynda eŋ baǧaly ruhani qūndylyqtar turaly da aitty. Kezedsu soŋynda kıtaptar körmesın tamaşalaǧan äskeri bölımşenıŋ qyzmetkerlerı ǧalymmen bırge suretke tüstı.   Äskeri bölımşenıŋ ökılı būndai kezdesulerdıŋ äskeri mamandyq ielerıne öte paidaly ekenın aita kelıp, ǧalymdy bolaşaqta taǧy da kelıp öz şyǧarmaşylyǧymen bölısıp tūruyn ötındı.
Pıkırler