Belgılı qalamger, etnograf-jazuşy, Qūran kıtabyn tūŋǧyş ret qazaq tılıne audarǧan tärjımaşy Uaqap Qydyrhanūly 25 mausym künı 91-ge qaraǧan jasynda dünieden ozdy, dep habarlaidy “Adyrna” ūlttyq portaly.
Qaraly habardy Jazuşylar odaǧynyŋ telegram arnasy jazdy.
"Ardaqty aǧaiyn! Belgılı qalamger, etnograf-jazuşy, qasiettı Qūran Kärımdı qazaq tılıne audarǧan tärjımaşy Uaqap Qydyrhanūly aǧamyz keşe 91-ge qaraǧan jasynda dünieden ozdy", – delıngen estırtude.
Marqūmmen qoştasu erteŋ, 27 mausymda saǧat 10:00-de Almatydaǧy Qazaqstan Jazuşylar odaǧynda (Abylai han daŋǧyly, 105) ötetını habarlanǧan.
"Odaq ǧimaratynyŋ aldynda janazasy şyǧarylady. Saǧat 13:00-de "Jūldyz" restoranynda (Gogol köşesı, 40) janaza asy berılmek. Qadırlı qalamgerler, janazaǧa qatysyŋyzdar!" – delıngen Odaq habarynda.
Uaqap Qydyrhanūly – 1932 jyly 23 jeltoqsanda düniege kelgen. Qazaq memlekettık universitetınıŋ jurnalistika fakultetın bıtırgen soŋ "Leninşıl jas" (qazırgı "Jas Alaş") gazetınde ädebi qyzmetker, Şyǧys Qazaqstan oblystyq "Kommunizm tuy" gazetınde, Qazaq radiosynda, "Sosialistık Qazaqstan" (qazırgı "Egemen Qazaqstan") gazetınde bölım meŋgeruşısı, elaralyq "Şalqar" gazetınde bas redaktor qyzmetın atqarǧan.
Bır top öleŋı 1960 jyly jas aqyndardyŋ "Jyrǧa sapar" jinaǧynda, "Ant" povesı "Jol basy" atty ūjymdyq jinaqta jaryq kördı. "Şaŋqai tüs", "Taŋ nūry", "Tasqainat", "Altyn ai" atty äŋgıme-povester jinaǧynyŋ, bırneşe derektı kıtapşalardyŋ avtory. 1991 jyly Qūran Kärımnıŋ tüsındırmelı-maǧynalyq tärjımasyn jasady. Onyŋ jetıldırılgen, jaŋa nūsqasy 2002 jyly qaita basylyp, tegın taratylǧan.
Qazaqstan Jurnalister odaǧy syilyǧynyŋ üş märte iegerı. Qazaqstannyŋ eŋbek sıŋırgen qyzmetkerı, halyqaralyq "Alaş" ädebi syilyǧynyŋ laureaty.
Ūqsas jaŋalyqtar
