Toqaev Sadyr Japarovqa kóńil aıtý jedelhatyn joldady

621

Toqaev Qyrǵyzstan Prezıdenti Sadyr Japarovqa kóńil aıtý jedelhatyn joldady. Bul týraly Aqordanyń baspasóz qyzmeti habarlady, dep jazady "Adyrna" ulttyq portaly.

Qasym-Jomart Toqaev Sadyr Japarovqa jáne qyrǵyz halqyna barsha qazaqstandyqtardyń jáne jeke óziniń atynan qyrǵyz-tájik shekarasynda bolǵan qaıǵyly oqıǵa saldarynan kóptegen jaýynger men beıbit turǵyndardyń qaza tabýyna baılanysty kóńil aıtty.

– Berik dostyq jáne tatý kórshilik qatynastardy saqtaý – bizdiń ortaq ári mańyzdy mindetimiz, sondaı-aq óńirdiń turaqtylyǵy men qaýipsizdigi, beıbit ómir qurý jolyndaǵy Ortalyq Azııadaǵy barsha baýyrlas halyqtyń túbegeıli múddesi. Qazaqstan kez kelgen daýly máseleni tek qana beıbit jolmen jáne saıası dıplomatııalyq ádistermen sheshýdi jaqtaıdy, – delingen jedelhatta.

Qazaqstan Prezıdenti qyrǵyz halqyna myqty rýh, beıbitshilik jáne baq-bereke tiledi.

"Adyrna" ulttyq portaly 

Pikirler
Redakııa tańdaýy