Qaraǧandy oblysynda jol apatynan ekı därıger qaza tauyp, "Jezqazǧan medisinalyq ortalyǧy" JŞS Balqaş qalalyq emhanasynyŋ segız medisina qyzmetkerı zardap şektı, dep habarlaidy “Adyrna” ūlttyq portaly.
"QR Densaulyq saqtau ministrlıgı Qaraǧandy oblysy Aqtoǧai audany Saryşaǧan auylynyŋ janynda bolǧan qaiǧyly oqiǧaǧa bailanysty qaiǧyra köŋıl aitady. Jol apatynan Balqaş qalasyndaǧy "Jezqazǧan medisinalyq ortalyǧy" JŞS emhanasynyŋ 2 därıgerı qaza bolyp, 8 medisina qyzmetkerı zardap şektı. Därıgerler Balqaş qalasyndaǧy "Qazaqmys" kompaniiasynyŋ jūmysşylaryn profilaktikalyq qarap-tekseruden ötkızıp, qaityp kele jatqan bolatyn. Olar mıngen avtobus MAZ markaly jük avtokölıgımen soqtyǧysyp, jol apatyna ūşyrady. Ministrlık atynan mezgılsız köz jūmǧan Kenjehanova Viktoriia İsliamqyzy men Qystaubaeva Baqyt Raşitqyzynyŋ jaqyndary men otbasyna qaiǧyra köŋıl aitamyz. Otolaringolog Viktoriia Kenjehanova men oftolmolog därıger Baqyt Qystaubaeva azamattardyŋ densaulyǧyn qorǧauǧa ondaǧan jyl ǧūmyryn sarp etken naǧyz käsıbi mamandar edı. Aimaqtyq densaulyq saqtau salasy orny tolmas auyr qazaǧa duşar boldy", - delıngen ministrlık habarlamasynda.Aita keteiık, jol apaty 19 qyrküiek saǧat 19:30 şamasynda "Almaty – Ekaterinburg" tasjolynda, Saryşaǧan kentınen 30 şaqyrym jerde boldy. Trassada MAZ jük kölıgı men PAZ jolauşylar avtobusy soqtyǧysty. Saldarynan barlyǧy 4 adam qaza boldy. Kölık apaty kezınde avtobusta 11 adam otyrǧan.
Ūqsas jaŋalyqtar
