Deputattardy endı halyq taŋdaidy. Sondyqtan sol deputattarǧa jauapty - halyq. Būl turaly saiasattanuşy İndira Rystina jurnalist Nūrsūltan Qūrmannyŋ iutub arnasyna bergen sūhbatynda aitty, dep habarlaidy “Adyrna” ūlttyq portaly.
İndira Rystinanyŋ aituynşa, sailaudaǧy ädıletsız şeşım sailauǧa barmaǧandardyŋ jalqaulyqtarynan bolady.
“Eger sızder sailauǧa barmasaŋyzdar sızdıŋ biulletenıŋız bos bolyp tūrady. Ony bıreu paidalanyp ketse şe? Sız ol biulletendı özıŋız qoldansaŋyz, ondai qastandyqqa jol bermeisız. Būl - bırınşı kezekte. Eger eşkım ūnamasa, bärıne qarsymyn dep te dauys bere alasyz. Ol da negızgı kandidattardan dauystaryn alyp qoia alady.
Ekınşıden, sızder barmaǧan kezde, sız dauysyŋyzdy joq qylyp jıberesız. Sızdıŋ dauysyŋyz eşnärsege äser etpeidı. Dauysyŋyzdy bermei, eşqandai qatyspai, “memleket damymai jatyr”, dep qalai aitasyz?”,-dedı ol.
Sondai-aq, saiasattanuşy “sailauda kımder kandidat bolu mümkın?” degen sūraqqa jauap berdı
https://youtu.be/LdnRp9fohug“Barlyǧyna belgılı Qasym-Jomart Toqaev “sailau aldy baǧdarlamamdy şyǧaramyn, sailauǧa qatysamyn” dep aitty. Ärı qarai, “qandai azamattar sailauǧa qatysa alady?” degen sūraqqa jauap bereiık. Belgılısı 40 jastan asqan azamat bolu qajet. Qazaqstanda tuǧan, 15 jyl Qazaqstanda tūrǧan azamattar bolu kerek. Sondai-aq, Qazaqstannyŋ elşılıgı nemese halyqaralyq ūiymdarda jūmys ıstegen azamattar da qatysa alady. Öitkenı, olar memlekettıŋ atynan jūmys ıstedı. Bastysy qazaq tılın jetık bılu qajet…
Sailauǧa bırneşe partiia bırıgıp, bır adamdy da ūsynuǧa bolady. Kandidattyŋ jynysy men mülkıne qarai şekteuler joq. Otbasylyq jaǧdailarǧa bailanysty da şekteuler joq”,- dedı saiasattanuşy.
”Adyrna” ūlttyq portaly
