Belarýste narazylyq sharalary jalǵasyp jatqan shaqta Aleksandr Lýkashenko ant berip, prezıdent qyzmetine kiristi. Inaýgýraııa rásiminiń bolatynyn kóp adam bilmegen. Onyń ótetini jaıly aldyn ala habarlanbady, dep jazady centralasian.org.
Memlekettik "Belta" agenttiginiń jazýynsha, "saltanatty rásim" 23 qyrkúıekte Táýelsizdik saraıynda ótken. Zań boıynsha, prezıdenttiń ant berý sharasynan respýblıkalyq telearnalar men radıolardan translıaııa jasalýy kerek. Biraq jergilikti telearnalardan ant berý rásimi kórsetilmegen.
Memlekettik agenttikterdiń habarlaýynsha, Lýkashenko ınaýgýraııasyna júzdegen adam shaqyrylǵan. Olardyń arasynda joǵary laýazymdy tulǵalar, depýtattar, respýblıka keńesiniń músheleri, memlekettik organ basshylary, jergilikti atqarý organ ókilderi, aqparat quraldary, ǵylym, mádenıet, sport qaıratkerleri bar.
Lýkashenko belarýs tilinde ant bergen. Budan soń ant bergeni jaıly aktige qol qoıyp, ortalyq saılaý komıssııasynyń tóraıymy Lıdııa Ermoshına oǵan Belarýs respýblıkasynyń tólqujatyn tapsyrǵan.
"Nastoıaee vremıa" arnasynyń habarlaýynsha, sársenbi kúni tańerteńnen bastap Mınsk turǵyndary Táýelsizdik saraıy aldynda áskerı tehnıka men sarbazdar turǵanyn kórgen. Inaýgraııa jaıly sybys shyqsa da saıasatkerler ony joqqa shyǵarǵan.
Elde 9 tamyzdan beri narazylyq sharalary jalǵasyp keledi. Narazylar prezıdent saılaýynyń qorytyndysy burmalandy dep esepteıdi. Olar Lýkashenko otstavkaǵa ketip, elde jańadan ádil saılaýy ótýi tıis deıdi.
66 jastaǵy Belarýs basshysy narazylyqqa shyqqandardy kúshpen basyp, kóptegen azamattar qamaý oryndarynda azaptaýǵa ushyraǵanyn aıtqan.
Buǵan deıin oppozıııa jetekshisi Svetlana Tıhanovskaıa ınaýgýraııa ótkizý zańsyz bolady dep málimdegen.
