Reseidegı mobilizasiiadan qaşqan tūrǧyndardyŋ arasynda sany az türkı ūlttarynyŋ ökılderı de bar. Bauyrlas aǧaiyndardyŋ taǧdyryna qatysty qazaqtyŋ daryndy qyzy, aqyn Tanaköz Tolqynqyzy alaŋdap, dabyl qaqty, dep habarlaidy "Adyrna" ūlttyq portaly.
"Jer betınde 3000 ǧana qyrym tatarlary qalǧan. Putin sol 3000 qyrym tatarynyŋ 1000-na povestka jıberıptı. Būl baryp tūrǧan ūltty joiuǧa baǧyttalǧan aşyq genosid qoi. Maǧan bügın Reseiden kelgen qyrym tatary habarlasty. - Astanada jaldaityn päter qalmady. Barlyq qonaq üiler tolyp qalǧan. Jaldaityn üi tabuǧa kömektesıŋızşı! -dedı", - dep jazdy qalamger.
Conymen qatar, avtor Reseidegı sany az türkı tektes ūlttardyŋ taǧdyryna qatysty tolǧanyp, jurnalisterden kömek sūrady. Būǧan qatysty:
"Eger reseilıkterge kömektesemın dep şeşseŋızder eŋ bırınşı bauyrlas türkı tektes ūlttardy panalatu kerek. Qyrym tatarlarynyŋ tılı qazaqqa öte ūqsas. Özbek tılınen de jaqyn. Qazaqşa söilep jatqan siiaqty. Astanada rieltor dostary bar jurnalister! Men sızderden kömek sūraimyn. Ukrainadaǧy soǧysty qoldamaityn özımızdıŋ reseilık qazaqtardy, tatar, başqūrt, qūmyq, qaraşai, qyrym tatarlaryn panalatuymyz kerek dep esepteimın", - dep jazdy aqyn.
"Adyrna" ūlttyq portaly
