Özderıŋızge belgılı, mausym aiynda konstitusiialyq reformalar boiynşa referendum ötken edı. Onda bızdıŋ Prezidentımız Qasym-Jomart Kemelūly Toqaevtyŋ «Ädılettı Qazaqstan» qūru siiaqty konsepsiialary oiǧa alyndy. Kezekten tys Prezident sailauyn ötkızu mäselesı de bır jaǧynan dūrys şeşım dep oilaimyn. Prezidentımız qabyldaǧan baǧyt-baǧdarlardy ıske asyru üşın jaŋa közqaras, jaŋa baǧyt kerek. Oǧan senımdı mandat kerek. Uaqytynan būryn osyndai qadamǧa baryp otyrǧanynyŋ özı – Prezidenttıŋ «Ädılettı Qazaqstandy» qūramyn degen şyn nietınen tuyp otyr.
Halyqtyq koalisiia bolyp bırıgıp, olar bır auyzdan Prezident Qasym-Jomart Toqaevtyŋ kandidaturasyn ūsyndy. Sonyŋ ışınde Ūlttyq Ǧylym akademiiasy da Qasym-Jomart Kemelūlynyŋ kanditaturasyn ūsynǧanyn jaqsy bılesızder. Jalpy, «Ädılettı Qazaqstan» qaşan ornaidy, qai kezde ornaidy?» degen zaŋdy sūraq tuyndap jatady. «Ädılettı Qazaqstan» – zaŋdar üstem qūrǧanda ornaidy. Sol sebepten de, konstitusiialyq reformalar jasap, özgerısterdı engızıp aldyq. Elge jetkızetın, elmen kerı bailanys ornatatyn, «Halyq ünıne qūlaq asatyn Ükımettı» qūryp jatyrmyz. Endı būrynǧydai qūr maqtau, jalǧan esepterden arylyp, naqty körsetkışterge, naqty şeşımderge jūmys ısteitın bolamyz. Bardy bar, joqty joq dep aitatyn kez keldı. Halyqtyq koalisiia forumynda da Prezident qoǧamǧa qajettı qaǧidalardy atap öttı.
Memleket basşysynyŋ «Bızdıŋ Täuelsızdıgımız bärınen qymbat» degen sözı – täuelsızdıgımızdı közımızdıŋ qaraşyǧyndai saqtau degen söz. Bızge memleket ne beredı dep emes, bız memleketke ne beremız, qandai kömegımız bolady degen baǧytta ärqaisysymyz qolǧa alǧan jön. Ol üşın bılımdı, sanaly jas ūrpaq jetıluı tiıs. Ekonomikamyz qalyptasyp, äleumettık ahualymyz artatyn bolsa, memleket ışınen de nebır daryndy jastar ösıp şyǧady. Olar bılımge de, ǧylymǧa da öz ülesın qosatyn bolady. Prezident Ūlttyq ǧylym akademiiasyna barǧanynda: «Akademiianyŋ märtebesın köteru kerek dep sanaimyn. Būl qūrylym ǧylymi oi-tūjyrym ortalyǧyna ainaluǧa tiıs. Sondai-aq saraptama jasaityn bedeldı mekeme boluy kerek. Qara şaŋyraqtyŋ rölın arttyru maŋyzdy» dep aitqany esımızde. Ekonomikamyz damuy üşın de eŋ aldymen ǧylym-bılımge köbırek köŋıl bölu kerek ekenın aityp otyr.
Endeşe, aldaǧy sailauda «Ädılettı Qazaqstan» üşın dauys beru maŋyzdy dep sanaimyn. 7 jyl ışınde Prezident bastamalary jüzege asyp, nätijesın köretın bolamyz.
Kärımbek QŪRMANÄLİEV,
QR Ūlttyq Ǧylym akademiiasynyŋ akademigı
