Túrkistan oblysynda iri kólemdegi alaıaqtyq jasady dep aıyptalǵan polıııa qyzmetkeri Danııar Meıirhanǵa qatysty qylmystyq is toqtatyldy. Bul týraly Meıirhannyń advokaty Shymyrbaı Aǵabekov málimdedi, dep habarlaıdy “Adyrna” tilshisi.
Eske salaıyq, bıyl mamyrda Túlkibas aýdany polıııasynyń basshysy Danııar Meıirhannyń qyzmetinen ýaqytsha bosatylǵany belgili bolǵan. Oǵan asa iri kólemdegi alaıaqtyq (QR QK 190-baby, 4-bóligi, 2-tarmaǵy) boıynsha is qozǵaldy. Keıin ol 40 mıllıon teńge kepilmen bosatyldy.
Advokat Shymyrbaı Aǵabekovtiń aıtýynsha, onyń qorǵaýyndaǵy azamatqa qatysty qylmystyq is qylmys quramynyń joqtyǵyna baılanysty toqtaǵan.
"Qylmys quramynyń bolmaýyna baılanysty qylmystyq is tolyǵymen toqtatyldy. Iaǵnı, ol eshqandaı zańǵa qaıshy áreket jasamaǵan. Bastapqyda bul isti qalalyq polıııa basqarmasynyń ishki qaýipsizdik basqarmasy (OQB) tergegen. Odan keıin is Sybaılas jemqorlyqqa qarsy qyzmettiń qaraýyna berildi. Sybaılas jemqorlyqqa qarsy qyzmet biraz ýaqyt tergep, keıin toqtatý týraly túpkilikti sheshim qabyldady. Qala prokýrory bul sheshimmen kelisti. Ol tolyq aqtaldy", - dedi Meıirhan. zańger Shımırbaı Aǵabekov aıtty.
Aıta keteıik, Danııar Meıirhan 1981 jyly týǵan, ishki ister organdarynda 2003 jyldan beri qyzmet etip keledi.
2020 jyldyń naýryznan beri Túlkibas aýdandyq ishki ister basqarmasynyń bastyǵy. Buǵan deıin ol Túrkistan qalalyq IIB bastyǵy qyzmetin atqarǵan.
