Qazaqstan men Eýropalyq Odaq turaqty shıkizat, batareıalar jáne «jasyl» sýtek quny tizbegi salasyndaǵy strategııalyq áriptestik boıynsha ózara túsinistik týraly memorandým bekitti. Bul týraly QR Premer-Mınıstriniń baspasóz qyzmeti habarlady, dep jazady "Adyrna" ulttyq portaly.
Qujatqa Mysyrda Klımattyń ózgerýi jónindegi jahandyq konferenııanyń (COP27) Álem kóshbasshylary sammıti aıasynda QR Premer-Mınıstri Álıhan Smaıylov pen Eýropalyq komıssııa Prezıdenti Ýrsýla fon der Lıaıen qol qoıdy.
Premer-Mınıstr óz sózinde jańa memorandýmnyń mańyzdylyǵyn atap ótti.
«Qujatqa qol qoıý Qazaqstannyń EO ónerkásiptik alıanstarymen qarjylyq jáne tehnologııalyq yntymaqtastyǵyn ornatýyna jaǵdaı jasaıdy. Jalpy, bizdiń elimiz Eýropalyq bıznes úshin tartymdylyǵy joǵary qajetti faktorlardyń bárine ıe, onyń ishinde ártaraptandyrylǵan energııa kózderi men joǵary tranzıttik-kóliktik áleýet bar», — dedi Álıhan Smaıylov.
Sondaı-aq ol Eýropalyq Odaq – Qazaqstannyń eń iri jáne mańyzdy saýda seriktesi bolyp qala beretinin, elimizdiń syrtqy saýdadaǵy úlesiniń shamamen 30%-y Eýroodaqqa tıesili ekenin aıtty.
«Sonymen qatar búginde ınvestıııalyq yntymaqtastyqty arttyrý jáne ózara saýda kólemin ulǵaıtý boıynsha aıtarlyqtaı áleýet baryn kórip otyrmyz», — dedi Premer-Mınıstr.
Óz tarapynan Ýrsýla fon der Lıaıen Eýroodaq Qazaqstan ekonomıkasynyń eń iri ınvestorlarynyń biri bolyp tabylatynyn, sondaı-aq búgin qol qoıylǵan memorandým bul qatynastardy odan ári keńeıte túsetinin atap ótti.
«Biz osyǵan deıin qalyptasqan ózara tereń qarym-qatynasymyzdyń jańa paraǵyn ashtyq. Eýropalyq Odaq pen Qazaqstan kóp jyldan beri berik ekonomıkalyq baılanystardy damytyp keledi. Biz strategııalyq óndiristik tizbekterimizdiń ıntegraııasyn nyǵaıtý baǵytynda birge jumys isteımiz. Bul sırek kezdesetin jer elementterin óndirýge, akkýmýlıator óndirisine jáne "jasyl" sýtekke qatysty», — dedi Ýrsýla fon der Lıaıen.
Onyń aıtýynsha, bul óndiristik tizbekter búkil álemde «jasyl» jáne ıfrlyq ózgeristerdiń qozǵaltqyshtary bolyp tabylady.
«Mysaly, biz akkýmýlıatorlardyń elektromobılder úshin nemese jańartylatyn energııany saqtaý úshin qanshalyqty mańyzdy ekenin bilemiz. Sondyqtan dál qazir yntymaqtastyǵymyzdy nyǵaıtý úshin qolaıly sát», — dedi Eýropalyq komıssııa Prezıdenti. Ol ózara túsinistik týraly memorandým uzaq merzimdi áriptestik qatynastardy damytýǵa baǵyttalǵanyn atap ótti.
"Adyrna" ulttyq portaly
