8 jyl boiy halyqaralyq ızdeude jürgen qazaqstandyq Resei Federasiiasynda ūstaldy, dep habarlaidy "Adyrna" tılşısı Polisia.kz-ke sılteme jasap.
6 qaraşada Maŋǧystau oblysy PD Kriminaldyq polisiia basqarmasynyŋ ızdestıru tapsyrmasymen Orlovsk oblysy boiynşa Resei Federasiiasy IIM-nıŋ Novosilsk bölımşesınıŋ qyzmetkerlerı jedel-ızdestıru ıs-şaralaryn jürgızu barysynda Qazaqstan Respublikasynyŋ azamatşasyn ūstady. Äiel alaiaqtyq qylmys jasady degen aiyppen ızdeude boldy. Ol 2010 jyldyŋ säuır aiynda jalǧan qūjattar boiynşa alaiaqtyq jolmen 1,5 mln teŋgege jäbırlenuşıge bankte kepılde tūrǧan Mūnaily audany mekenjaiy boiynşa jer uchaskesın satqan. Sondai-aq osy jyldyŋ mausym aiynda özınıŋ qylmystyq nietın jalǧastyra otyryp, jäbırlenuşıge Mūnaily audanyndaǧy jer uchaskesın jalǧan qūjattarmen 4,5 mln teŋgege bergen.Jalpy küdıktınıŋ alaiaqtyq äreketterınen 74 jäbırlenuşı zardap şektı, keltırılgen materialdyq şyǧyn 50 million teŋgeden asty. Polisiia qyzmetkerlerı küdıktı 71 jastaǧy azamatşany Resei IIM Novosilsk bölımşesınıŋ uaqytşa ūstau izoliatoryna qamady. Qazırgı uaqytta tergeu äreketterı jürgızılude.
Ūqsas jaŋalyqtar
