Ótken demalys kúnderi Al-Farabi turǵyndary BI Group qurylys kompanııasynyń qyzmetkerlerimen birge jańa keshenniń aýlasyna esimderi jazylǵan aǵash kóshetterin ekti.
Bul is-shara Shymkentte Qazaqstannyń megapolısterindegi ekologııalyq jaǵdaıdy jaqsartýǵa baǵyttalǵan dástúrli BI Green naýqany aıasynda ótti.
Bir kúnde 60 túp aǵash pen buta egildi. Dendrologtar óńirdiń ystyq klımatyna barynsha qolaıly shaǵan, talshyn, boz arsha, shyrsha, arsha, moıyl, jóke aǵashy, bóriqaraqat sekildi ósimdikterdi tańdap aldy.
Abzal Batyrbaı, Al-Farabi jobasynyń jetekshisi:
“Biz árbir salynǵan keshenmen birge onyń aınalasyndaǵy barlyq qajetti ınfraqurylymdy, sonyń ishinde saıabaqtar men gúl baqtaryn da jasap beremiz. Árıne, muny turǵyndardyń kómeginsiz jasaı almas edik. Shymkentte BI Green naýqany osymen ekinshi ret ótkizilip jatyr. Bul jolǵy estafetany Tamerlan Residence turǵyn úı kesheninen Al-Farabi turǵyn úı kesheni aldy. Barshańyzdy osy bir tamasha kúnmen quttyqtaǵym keledi, qala turǵyndaryna súıikti qalamyzdy kógaldandyrýǵa qosqan úlesteri úshin alǵys aıtamyn”.
Azat pen Janardyń otbasy:Mundaı naýqanǵa búkil otbasymyzben, balalarymyzben birge alǵash ret qatysyp turmyz. Alǵan áserimiz sheksiz! Búgin kórshilerimizben tanysyp, aýlamyzdy kórkeıtýge óz úlesimizdi qostyq. Endi óz qolymyzben otyrǵyzǵan aǵashtardyń qalaı ósip jatqanyn kúndelikti qýana baqylap turatyn bolamyz. Óskeleń urpaqtyń boıyna tabıǵatqa degen súıispenshilikti sińirip, ony qurmetteýge tárbıeleý úshin mundaı is-sharalardy jıi ótkizip turý kerek dep oılaımyz.
Is-shara BI Service basqarýshy kompanııasynyń jańa dástúri – kórshilerdiń bir-birimen tanysyp-bilisýimen aıaqtaldy.
Elimizdi kógaldandyrý jónindegi ekologııalyq joba elordada 2020 jyldyń kúzinde bastalyp, qurylys holdınginiń 25 jyldyq mereıtoıyna oraılastyrylyp ótkizilgen bolatyn. BI Green qozǵalysynyń arqasynda Qazaqstan boıynsha 49 000 jańa ósimdik órken jaıdy.
Osy rette BI Group kompanııasynyń qoǵam ómirine belsendi túrde aralasatynyn esterińizge sala keteıik. Kompanııa ESG qaǵıdattaryn qatań ustana otyryp, kóptegen áleýmettik jáne qaıyrymdylyq jobalaryn iske asyryp keledi. Qorshaǵan ortany qorǵaýmen qatar kompanııanyń basym baǵyttarynyń qatarynda sportty keńinen nasıhattaý, Almaty taýlaryndaǵy týrıstik baǵyttardy retke keltirý, bilim berý jobalary men memlekettik tildi damytý máseleleri de bar.
”Adyrna” ulttyq portaly
