"Öz jerımızge özımız atau bere almai jürgen bız ǧana". Öskemende 23 köşenıŋ aty auysty

17.12.2022

4685

https://adyrna.kz/content/uploads/2022/12/x55phpz0u4vqezaqkddxi8fkb95n0k.jpg

Täuelsızdık qarsaŋynda Öskemen qalasyndaǧy 23 köşenıŋ atauy auysty. Qaladaǧy ideologiialyq jaǧynan eskırgen köşe ataulary Qazaq elınıŋ tarihy, qūndylyqtary men jer-cu ataularyna negızdelıp, qaita jaŋartyldy. Mūndai resmi aqparattyŋ soŋy ädettegıdei dauǧa ūlasty. Degenmen, Öskemen qalasynyŋ belsendılerı būl igı ıstı tabandy türde jalǧastyratyndaryna sendırıp otyr. Būl jaily "Adyrna" ūlttyq portaly habarlaidy. 
"Egemen Qazaqstan" basylymynyŋ şyǧystaǧy menşıktı tılşısı Merei Qainarūly quanyşty jaŋalyqpen bölıstı. Onyŋ aituynşa Öskemen qalasyndaǧy 23 köşenıŋ atauy kommunistık būlǧaudan tazartylyp, Qazaqy tarihqa negızdestırılgen. Jaŋartylǧan köşe ataularynyŋ arasynda "Alaşorda" Ükımetı men qazaq jolynda qūrban bolysqan özge ūlt ökılderınıŋ de esım-soiy bar.

Bügın Öskemendegı ideologiialyq jaǧynan eskırgen köşe ataularyn auystyru jäne atausyz köşelerge atau beru boiynşa qoǧamdyq tyŋdau öttı. Jalpy Öskemende – 714 köşe bar. Onyŋ ışınde:
Orys tılınde – 566 köşe
Qazaq tılınde – 148 köşe
Jeke tūlǧalardyŋ esımımen atalatyn köşeler sany – 239.
Onyŋ ışınde:
Orys ūltynan – 142
Qazaq ūltynan – 64
Basqa ūlttardan – 33
Amanat, Örken sekıldı beitarap atauy bar köşeler sany – 315
Kolhoznaia, Pionerskaia syndy ideologiialyq tūrǧyda eskırgen köşeler sany – 81
Maǧynalyq mänı joq köşeler – 79. Bügın memlekettıŋ damuyna üles qosqan aituly tūlǧalardyŋ esımın beru üşın qoǧamdyq tyŋdau ötıp, 23 köşe atauy auystyrylatyn boldy. Deputattar qoldady.
Atap aitsaq; Kalinin köşesı – Äbılhan Qasteev,
Kutuzov köşesı – Latif Hamidi
Kuibyşev köşesı – Timofei Sedelnikov


Ş.Utepov – Oralhan Bökei
Mikoian köşesı – Aleksandr Syzǧanov
Entuziastov köşesı – Boşai Kıtapbaev
Stahanovskaia köşesı – Jaqsylyq Üşkempırov
Krasnoznamennaia köşesı – İrina Erofeeva
Krasin köşesı – Boris Aleksandrov
Frunze köşesı – Emanuil Romanenko
K.Lipneht köşesı – Boris Kerımbaev
Bökeev köşesı – Tūtqabai Äşımbaev
Stepan Razin köşesı – Kirill Ermolaev
M.Gorkii (Menovnoe) – Talaptan Ahmetjanov
Bazovaia köşesı – Jıbek joly
Kolhoznaia köşesı – Asqartau
Roza Liuksemburg – Arna
Sovhoznaia köşesı – Örken
Sovhoznyi tūiyq köşesı – Talas
Chapaev köşesı – Berel
Krasnodonskaia köşesı – Arai
Krasnoflotskaia köşesı – Mūztau

Mıne! Biyl 23 köşe atauy auystyryldy. Joǧaryda atalǧan tūlǧalardyŋ kım ekenın özderıŋız de bılesızder dep oilaimyn. Aita keterlıgı, būl jūmystar älı de jalǧasyn tabady, - dedı öŋır jurnalisı.
Soŋynda avtordyŋ feisbuktegı jazbasyna uäj aitylyp, pıkır ala-qūlalyǧy tudy.
"Tarihşy ǧalym İrina Erofeeva ūmytylmapty. Äbılqaiyr han, Şaqşaq Jänıbek turaly tolymdy eŋbek jazǧan kısı edı", "Ertöstık degen köşenı körıp quanyp qaldym", "Gruzinskii, Sevastopolskaia, Vinogradov, Chapaev, Smirnov, Kiev köşelerı siiaqty köşeler köp qoi. Älde qazaqşa ataular joqpa? Qairat Rysqūlbekov siiaqty ataulardy nege bermeidı", "Ol orys pen būl orystyŋ arasy jer men köktei. Mäselen, Kuibyşevtyŋ ornyn basatyn, Timofei Sedelnikov Alaş qairatkerlerımen üzeŋgıles qyzmet etıp, orystyŋ imperiialyq saiasatyna qarsy şyqqan. Soŋynda repressiiaǧa ūşyrap alaştyqtarmen bırge atylyp ketken", "Äi, osyny aitşy, resmi tılde Ust-Kamenogorsk - Öskemen bolyp özgerdı me, joq pa? Bır aqpar taba almadym. Al orys ataularyna keletın bolsaq, Permitin köşesı dep jaza beremın. Nege egov arqyly şyǧatyn anyqtamalarda özgerıssız orysşa jazylyp tūra beredı" dep jazdy oqyrmandar.