Tanymal änşı Dimaş Qūdaibergen qazaqstandyqtardy internet alaiaqtardan saq boluǧa şaqyryp, ündeu joldady. Būl turaly ol Instagram paraqşasynda jazdy, dep habarlaidy “Adyrna” ūlttyq portaly.
Änşınıŋ aituynşa, alaiaqtar änşınıŋ atyn jamylyp, äleumettık jelını öz maqsattaryna qoldanyp jür.
«Assalaumaǧaleikum, qūrmettı dostar! Būl beinetaspany jazudaǧy maqsatym – internet jelısınde, Facebook-te menıŋ atymnan aşylǧan türlı paraqşalar halyqqa jäne maǧan ziianyn tigıze bastady. Jalpy men eşqaşanda aqşa sūraityn oiyndar ötkızben emespın. Tyŋdarmandarym bıle jatar, qatelespesem tıkelei efirdıŋ özıne 3-4 ret qana şyqqam. Aldaǧy şyǧarmaşylyq jaŋalyqtarmen bölısu üşın. Sony skrinşotqa tüsırıp alyp, özderınıŋ alaiaqtyq äreketterın jüzege asyru maqsatynda Dimaş Qūdaibergen bolyp Facebook-te jalǧan paraqşalar aşyp alyp, halyqpen tıldesıp otyrǧan fotomdy qoiyp qoiǧan. Sol arqyly lotereia siiaqty türlı oiyndar ötkızıp jatqan siiaqty etıp körsetkısı kelıp jatyr», – dep jazdy Dimaş Qūdaibergen Instagram paraqşasynda.Sondai-aq, ol barşa halyqty jalǧan aqparatqa senbeuge şaqyrdy.
«Ondaiǧa eşqaşan senbeŋızder, men oiyndar ūiymdastyrǧan emespın. Onyŋ maǧan qajetı de joq, sol sebepten aldanyp qalmaŋyzdar. Eskertu, aitu maqsatynda osy videony tüsırıp jatyrmyn. Eşqaşanda internet arqyly eşkımge aqşa jıbermeŋızder», - deidı ol.
Ūqsas jaŋalyqtar
