Qalamger Maŋdaily Qosymbai qoqysqa tastalǧan qara qazan men berekelı besıktıŋ kiesın tanyp, süt pısırım uaqytta üiıne alyp ketken aqtaulyq tūrǧyndardyŋ ūlttyq qasietı jaily jazdy. Qalamgerdıŋ bır jaǧynan būl qūbylysqa jany auyryp, qalyŋ qazaqtyŋ qazynasyn közdıŋ qaraşyǧyndai saqtauǧa şaqyrdy, dep jazdy "Adyrna" ūlttyq portaly.
Aqtau qalasynyŋ tūrǧyny, qalamger Maŋdaily Qosymbai közı körgen oqiǧa jaily bylai dep jazady:
- Qoqysqa kete jazdaǧan kielı qara qazan men aq besık...Syrtqa şyqsam üidıŋ qasyndaǧy qoqys jäşıkterınıŋ qasyna bıreu şyǧaryp tastaǧan myna qazan közge bırden şalyndy. Qaqpaǧynyŋ tap-tazalyǧyna qaraǧanda būlai tastai qoiatyndai eskı närse emes. Şamasy iesı uaqtyly tazalanbai mai sıŋıp, ot qaryp, küieleş-küieleş bolyp qalǧan qazandy tazalauǧa qiynsynyp şyǧaryp tastaǧandai. Bälkım ydys-aiaǧyn jaŋartqan bolar.On-on bes minutta düken şaruamdy bıtırıp, qaityp oralsam qazan ornynda joq, qūdai degen bır adam alyp ketken sekıldı..Al körşılerdıŋ bırınıŋ balpanaqtai üş böbegıne jyly ūia bolyp, qanattandyrǧan myna besıktı bızdıŋ Nūrmūhan Jantörin atyndaǧy teatrdyŋ altyn qoldy şeber ūstalary äp-ädemı etıp qalpyna keltırıp, rekvizitke qosty! - dep quanyşty jaŋalyqpen tüiındedı avtor.
Avtordyŋ jazbasyna erekşe oqiǧany baiandai otyryp jauap jazyldy. Säru Ermūhanova atty jelı qoldanuşysy erekşe oqiǧany baiandady:
- Mäke, sälemetsız be? Bızdıŋ Balalar Üiınıŋ törınde osyndai besık pen sandyq daladan tauyp alǧan tūr. Bır äjenıŋ sandyǧy şyǧar, közı ketkesın şyǧaryp tastaǧan. Qanşa yrysy boldy eken sol sandyqta. Sol sandyqpen bırge tabaldyryqtan Balalar Üiıne de yrys kırdı.Qara qazan kielı ǧoi, alǧan adamnyŋ yrysy mol bolady eken!
Maŋdaily Qosymbaidyŋ aituynşa, qazaq üşın kielı qūndylyqtarymyzdy qabyldaityn ortalyqtyŋ bolǧany maŋyzdy. Sonda atadan balaǧa mūra esebınde kele jatqan qazan men besık dalada qalmaidy:
- Är oblys ortalyǧynda sondai närselerdı qabyldaityn bır oryn bolsa ǧoi.Bıreuge kerek emes närse ekınşı bıreuge kerek, ornyn tabar ma edı.Auylda besıktı saraiǧa aparyp, ılıp qoiady. Qazanda maldyŋ jemı ne basqadai kerektı-kerek emes zattar tūra beredı.Qalada qiyn. Qazır kiım alatyn oryndar bar emes pe, onyŋ da qyzmetın paidalanyp jatyr ... - dedı qalamger.
Oqyrmandar avtordyŋ jazbasyna qatysty pıkır bıldırude:
"Ūlt salt-sanasynan bezıne bastady. Būl qauıp. Qūdai saqtasyn";"Qara qazan,altyn besık Qazaq üşın kielı dünieler. Tastauǧa bolmaidy";
"Qazan men besıktı laqtyruǧa bolmaidy. Qazandy bıreuge beruge bolmaidy, üidıŋ qūt-berekesı sol qazanda dep jatatyn ülken adamdar. Besıktı de solai qoqysqa tastauǧa bolmaidy. Qazaqtyŋ yrymdarynyŋ bärı ras";"Qazandar metall qabyldaityn jerlerde köp. Bırde qazan joǧalyp ketıp, sondai metall qabyldaityn jerden tauyp alyp keldık" dep jazdy oqyrmandar.
"Adyrna" ūlttyq portaly
