Kókshetaýda ǵalymnyń eskertkishi kórpege oralǵan kúıinde qoqystan tabyldy, dep habarlaıdy "Adyrna" tilshisi Ulysmedıaǵa siltep.
Shoqan Ýálıhanovtyń eskertkish-bıýsti kir kórpege oralǵan kúıde qoqysqa tastalǵan. Qundy bıýst qalanyń shetki aımaqtarynyń birinde qoqys úıindileri men garajdardyń arasynan tabylypty.
El úshin aıanbaı eńbek etken tulǵa músininiń las jerde jatqany kóptiń nazaryn aýdartyp, qoǵam arasynda rezonans týdyrdy.
Bıýstti taýyp alǵan qala turǵyny - Aslan Tólegenov.
«Qala ishinde qoqystar men garajdardyń arasynda eskertkish jatqany týraly sybys jeldeı esken edi. Sony anyqtap bileıin dep arnaıylap barǵanmyn. Eskertkish-bıýst patshalyq Reseı kezindegi formamen turǵan Shoqan Ýálıhanovtyń eskertkishi eken. Eskertkishtiń qandaı sebeppen qoqysqa tastalǵany, eski jarylǵan kólik dóńgelekteriniń astynda jatqany belgisiz. Eskertkishti sýǵa batqan adam tárizdi eski jyrym-jyrym bolǵan kórpemen orap, symmen syrtynan baılap tastaǵan. Eskertkish qoqystyń arasynda jatyr», - deıdi ol.
Aqmola oblysynyń mádenıet basqarmasy basshylyǵy atalǵan bıýst kimge tıesili ekenin anyqtaǵan. Ol jeke kollekııa júrgizetin Meıram Qoıshybaev degen adamǵa tıesili bolyp shyqty. Basqarma jaýabynda:
«Qalalyq áleýmettik pablıkterde Shoqan Ýálıhanov músininiń tıisti túrde saqtalmaǵany týraly aqparat taraǵan bolatyn. Biraq atalǵan aqparat shyndyqqa janaspaıdy. Óıtkeni atalǵan bıýst sýretshi Meıram Qoıshybaevtyń jeke menshik kollekııasynda bolǵan. Músinshi qaıtys bolǵannan keıin bıýst onyń jaqyndary jekemenshik terrıtorııaǵa tasymaldaǵan», - deıdi Aqmola oblysynyń Mádenıet basqarmasynan.
