Taldyqorǧan qalasyndaǧy Nazarbaev Ziiatkerlık mektebınıŋ 9-synyp oquşysy Timur Mūqataev jas bolsa da täjıribesı mol sportşy, qazırgı taŋda tennisten jattyqtyruşy.
Bügın senıŋ erteŋıŋ. Keiıpkerımız osy kredoǧa qaşanda moiynsūnǧan. 7 jasynan tennispen ainalysa bastady. 14 jasqa deiıngı jasöspırımder arasyndaǧy Qazaqstannyŋ eŋ üzdık 5 tennisşısınıŋ qataryna endı. Al bügın Timurdan kışkentai tennisşıler tälım aluda.
Timur sūhbatynda mansaby, jetıstıkterı, jaŋa maqsattary men armandary turaly aityp berdı.
Menı tenniske ata-anam äkeldı. Osy uaqyt ışınde bırneşe tälımgerım boldy. Ärine, olardyŋ ärqaisysy menıŋ käsıbi sportşy bolyp qalyptasuyma belgılı bır üles qosty. Olar maǧan tenniske degen şynaiy süiıspenşılıktı oiatyp qana qoimai, soǧu tehnikasyn, oiyn taktikasyn da üirettı, — deidı jas jattyqtyruşy.8 jasynda Timur jarystarǧa qatysa bastady. Bırınşı jülde – 2014 jyly qalalyq tennis jarysynda III oryn. Qazır ol 15 jasta, osy uaqyt ışınde ol köptegen turnirlerde oinady. 2019 jyly Qazaqstan Chempiony, respublikanyŋ bırneşe dürkın jeŋımpazy jäne jüldegerı atandy. Tuǧan jerı Taldyqorǧandaǧy «Jetısu» tennis ortalyǧynda üşınşı jyl jattyqtyruşy qatarynda. Ol özınıŋ süiıktı ısımen ainalysady - balalar men jasöspırımderge tennis üiretedı.
Men adamdarmen jūmys ıstegendı jaqsy köremın! Bılgenımnıŋ bärın üiretemın. Balalardy 7 jasynan qabyldaimyn. Alǧaşqy jattyǧularda raketkammen oinauǧa rūqsat berem. Menıŋ maqsatym - bedeldı jäne super käsıbi jattyqtyruşy bolu. Şäkırtterımnıŋ tennisten barynşa nätijege qol jetkızgenın qalaimyn, — dep sūhbatyn Ziiatkerlık mektebınıŋ 9-synyp oquşysy Timur Mūqataev tüiındedı.
