Mańǵystaý oblysy Baıandy aýyly ishimdikten basy bútin bas tartty, dep habarlaıdy «Adyrna» tilshisi.
Atqarýshy bılik, quqyq qorǵaý organdary men aýyl kásipkerleri ókilderi alkogol ónimderin satýǵa jáne satyp alýǵa jol bermeý boıynsha ózara yntymaqtastyq týraly memorandýmǵa qol qoıdy. Olar bul qadam qylmystyń azaıýyna kómektesedi dep úmittenedi.
«Memorandýmnyń maqsaty – Baıandy aýylynda mas kúıinde jasalǵan qylmystardyń aldyn alý, sonymen qatar eldi mekendi úlgili aýyl retinde kórsetý»,—deıdi mamandar.
Aıta keteıik, osydan bir aı buryn Soltústik Qazaqstan oblysyndaǵy Kovylnoe aýylynyń turǵyndary da ishimdikten bas tartqan bolatyn.
