Qaraǧandynyŋ qazynaly qarty, 85 jastaǧy tūrǧyn Ästäbi Būlqanov aq kölıgıne "adamdyq" artyp, künıne ekı saǧat jolauşylardy tegın tasyp jür. Kenış köŋıldı qariiasyŋ azamattyq ısterıne alǧys jaudyryp, rizaşylyǧyn bıldırıp jatqandar köp, dep habarlaidy "Adyrna" ūlttyq portaly.
Aqsaqaldyŋ aq tüstı "Vaz-2101" kölıgı 1970 jyly şyqqan. Ony özı 1979 jyly satyp alǧan. Tūrǧyndardy tegın tasuǧa taptyrmas temır tūlpar belgılı "Jiguli" markasynyŋ eŋ alǧaş şyqqan önımı. Jaqsylyq jolynda serıgıne ainalǧan kölıgın Ästäbi Būlqanov satqysy da, aiyrbastaǧysy da kelmeidı. Qystyŋ közı qyrauda boi şiraptyp, künıne ekı saǧat adamdardy tegın dıttegen jerıne jetkızıp salady.
"Habar 24" arnasynyŋ habarlauynşa, aqsaqaldyŋ körşı-qolaŋy da onyŋ azamattyq ısterıne dän riza.
- Borandy künderı avtobusqa barmaisyŋ, ostanovka alys. Sondai kezde osy kısıge baramyz. Būl kısımen körşımız, bır üide. Qysylǧanda kez-kelgen jerge aparyp tastaidy, būldamaidy, aqy berseŋ almaidy, sol raqmetımızdı aitamyz da ketemız, - dedı qala tūrǧyny Mūrat Qūsaiyn.
Ästäbi Būlqanovtyŋ aq tūlpary Qaraǧandy men Qarqaraly baǧyttarynda da qatynap, alys joldy äp-sätte eŋseretın körınedı. Ūly Täuırjan Būlqanov ta jomart jürektı äkesınıŋ qam-qareketıne quanyşty:
- Talai aittyq, nemerelerı de aitty, ata mynany satyp jıber, jaŋasyn alaiyq dep. Qimaidy, közındei köredı. Osynyŋ qai jerı synsa da, sony velosiped jöndegendei qylyp jöndep alady. Jasyratyny joq būl bız üşın qūtty maşina, osymen osy üige talai kelın tüstı. Talai qūdalyqtarǧa bardyq.Adamdyqqa äsempaz Ästäbi qariia otyzynşy jyldardyŋ dürbeleŋınde düniege kelgen. Bala jastan belı qaiysyp, eŋbekke erte aralasqan. 17 jasynda tehnika tızgındep, tyŋǧa türen salǧan tūlǧa. Aqsaqaldyŋ endıgı maqsaty - aq tūlparynyŋ retro-kölıkter qatarynan körınuı. Otbasy da äulet tıregınıŋ tūlparymen bırge jaqsylyqtar jolynda jüiıtki beretınıne naq senımdı.
"Adyrna" ūlttyq portaly
Ūqsas jaŋalyqtar
