Ekonomıst ári bloger, qazaqtyń baspana máselesin sheshý jolynda halyqqa tanylǵan Dáýlet Muqaev QR Parlamenti Májilisi depýtattarynyń saılaýyna túsip jatyr. Úmitker óz sheshimi jaıly áleýmettik jelide habarlady, dep jazdy "Adyrna" ulttyq portaly.
- Halyq surasa, han túıesin soıady. Ózderińiz biletindeı men osy ýaqytqa deıin “depýtattyqqa saılanbaımyn” dep birneshe márte suhbat bergenmin. Dese de “Siz depýtat bolýǵa laıyqsyz” degen tolassyz hat jazyp, “Dáýlet depýtat bolsyn” dep, petıııaǵa qol qoıǵan qoldaýshylarymnyń qatary da az bolmady. Halyqtyń únine qulaq asyp, qamyn Parlamentte oılaıtyn kez kelgen sııaqty… Ári jańa Qazaqstan, jastar, ózgeris dep jatyrmyz. Jasym bolsa orda buzar 30-dan asty.
Buıyrsa, 19 naýryz kúni ótetin saılaýǵa QR Májilis depýtattyǵyna kandıdat retinde ózimdi usynyp otyrmyn. Eshbir partııa atynan emes. Astana qalasynyń Esil jáne Saryarqa aýdandarynyń #2 birmandattyq aýmaqtyq saılaý okrýginen úmitkermin.
Osy ýaqytqa deıin “aldyn ala úgit-nasıhat sharalary júrip, zańbuzýshylyq bolyp ketpesin” dep eshbir jerde jarııalamadym. Dál qazirgi ýaqytta áýeli Allanyń, ekinshi ata-anamnyń qoldaýymen óz shtabymdy jasaqtap, báıgege túsýge saqadaı saımyn, - dedi Dáýlet Muqaev.
Conymen qatar, Dáýlet Muqaev oqyrmandarynan qoldaý tanytýyn surap, ádiletti saılaýdan úmitti ekendigin jetkizdi.
- Basqa kandıdattar vıdeorolıkke arnaıy tapsyrys berip jatsa, men osy ýaqytqa deıin “Qazaqtyń Dáýleti” dep qoldap kelgen qarapaıym jandarmen vıdeo túsirgim keledi.
Osy rette:Qurmetti meniń jaqtastarym sizderdi BÚGIN saǵat 21:00-de Astanamyzdyń Botanıkalyq baǵynda (Túrkistan kóshesi jaǵynan Ortalyq kireberis) jınalyp, qoldaý vıdeo túsirýge shaqyramyn!!! Astanalyq oqyrmandarym, kelińizder. Jınalaıyq. Kezekti báıgege túskeli otyrǵan sáıgúligińizdi qoldap jiberińizder! Meniń kútetinim ádiletti saılaý, - dep halyqqa ótinishin jetkizdi ekonomıst.
"Adyrna" ulttyq portaly
