Deputat Ädıl Jūbanov elde öndırılgen mūnaidyŋ ärbır tonnasynan 1 dollardy halyq jaǧdaiyn jaqsartuǧa jūmsaudy ūsyndy. Būl turaly ol Parlamenttegı otyrysta äleumettık-ekonomikalyq damuyna bölınetın qarajatty talqylau kezınde aitty, dep habarlaidy “Adyrna” ūlttyq portaly.
13 aqpanda mäjılıste «Teŋızşevroil» kompaniiasynyŋ qazaqstandyq ülesın damytu mäselelerı talqylanǧan. Onda Atyrau oblysynan sailanǧan deputat Ädıl Jūbanov «Teŋızşevroil» kompaniiasynyŋ «İgılık» äleumettık baǧdarlamasy biudjetın ūlǧaitudy ūsyndy.
«25 mln tonna mūnai öndırıldı – 25 mln dollar bölındı. Öndırıstı keŋeitu arqyly jylyna 40 mln tonna mūnai öndırılse, äleumettık baǧdarlama biudjetı 40 mln dollarǧa deiın ūlǧaisyn», – deidı Atyrau oblysynan parlamentke sailanǧan deputat Ädıl Jūbanov.
Ol Qazaqstanda öndırılgen mūnaidyŋ ärbır tonnasynan 1 dollar jergılıktı halyqtyŋ äleumettık jaǧdaiyn jaqsartuǧa bölıngenın qalaidy.
«Teŋızşevroil» kompaniiasynyŋ basşysy äleumettık biudjettı ūlǧaitu mäselesın aksionerler deŋgeiınde talqylau qajet etkenın aitqan. Sebebı «İgılıktı» mūnai öndıruşı kompaniia öz erkımen aşqan jäne qarajatty jeke esebınen audaryp otyr.
Qazaqstan zaŋnamasy mūnai öŋdeuşı kompaniialar tabystyŋ 1 paiyzyn aimaqtyŋ äleumettık-ekonomikalyq damuyna jūmsap otyruǧa mındettı. Bıraq mūndai talaptan «Teŋızşevroil», «Qaraşyǧanaq Petrolium Opereiting» jäne NCOC bosatylǧan.
Energy Monitor telegram-arnasy mūnai öndıruşı kompaniianyŋ äleumettık baǧdarlamasyna nazar audarǧan edı.
«Teŋızşevroil» «İgılık» äleumettık baǧdarlamasynyŋ biudjetın 25 mln dollarǧa ūlǧaitqan. Telegram jazbasy boiynşa, zaŋ talabyn TŞO-ǧa qoisa, jylda äleumetke kemı 50 mln dollar audarar edı.
«QPO» käleumettık jobalarǧa jyl saiyn 70 mln dollardan astam qarajat bölıp otyr.
Al «Teŋızşevroil» 2024 jyly 27,8 mln tonna şikı mūnai öndırıp, 1,2 mln tonna sūiytylǧan gaz satqan. Kompaniia aldaǧy jyldary öndırıs kölemın arttyrudy közdep otyr.
«Teŋızşevroil» 1993 jyly Qazaqstan ükımetı men amerikalyq Chevron kompaniiasy arasyndaǧy 40 jyldyq kelısım-şart negızınde qūrylǧan. Bırlesken kompaniia 1998 jyly «İgılık» baǧdarlamasyn aşyp, biudjetın 25 mln dollarǧa deiın ūlǧaitqan.
Ūqsas jaŋalyqtar
