Jambyl oblysynyń qoǵam belsendisi Berikbol Ýálıhanov Jambyl oblysyndaǵy Densaýlyq saqtaý basqarmasynyń qazirgi basshysy Janar Ospanovanyń qyzmetin tekserýdi talap etedi. Bul týraly ol Facebook paraqshasyna jazdy. Sonymen qatar, "Adyrna" ulttyq portalyna Jambyl oblysy, Merki aýdandyq ortalyq aýrýhanasynyń dárigeri Qyzylov Asqar esimdi azamattan hat kelip tústi. Dárigerdiń aıtýynsha, aýrýhana basshylyǵy mamandardyń eńbegin qanap otyr. Onymen qoımaı, jumysta sebepsiz qarjy jınatý, dárigerlerdiń ústemaqysyn qaltasyna basý syndy kúdikke ilikken. Tipti, aýrýhana basshylyǵy adamdardyń naqaqtan-naqaq qaıtys bolýyna da sebepker bolǵan. Eki azamattyń shaǵymy bir adamnyń qyzmetin aıyptaýmen toǵysady, dep habarlaıdy «Adyrna» ulttyq portaly.
Belsendi Berikbol Ýálıhanovtyń aıtýynsha, qazir Jambyl oblysyndaǵy densaýlyq saqtaý basqarmasy bylyqqa batyp jatyr.
“Jambyl oblysy densaýlyq saqtaý basqarmasyndaǵy júıeli sybaılas jemqorlyq, kadrlyq zańsyzdyq pen keleńsizdikterge toly ıntrıgalar Túrkistan oblysyndaǵydaı kórinis tapty. Bul ÓQB jańa bastyǵynyń kelýimen, ıaǵnı Jeltoqsan 78 kóshesindegi toǵyz qabatty ǵımaratta ornalasqan ÓQB sybaılas jemqorlyq basqarý qurylymyndaǵy J.M.Ospanova hanym jáne onyń komandasyna tyǵyz baılanysty. Ol jáne onyń jaqyn serikteri qatardaǵy emes qyzmetkerlerdi negizsiz jumystan shyǵaryp, teksere bastady. Basshylar túrli syltaýlarmen bopsalap, laýazymdyq ókilettikterin asyra paıdalanyp, «kryshasy» joq nemese aı saıyn az-azdap alym-salyq beretin, joǵaryda kókeleri joq bas dárigerlerge tıisýde.
Men kún saıyn Ospanova hanym men onyń komandasynyń barlyq derlik isteri týraly aqparat alamyn. Qazir onyń komandasy men Ospanova hanym maǵan aqparatty kim aıtatynyna alańdaýly. Ádette aqymaq adamdar osylaı jasaıdy. Meni bopsalaıdy, maǵan kúıe jaǵady. Olar meniń ústimnen kompromat izdeıdi, meni sotpen qorqytady. Eń qyzyǵy, olar áli kúnge deıin belgili bir somany usynbaǵan”,- dep jazdy ol.
Sondaı-aq, Berikbol Ýálıhanov Ospanovaǵa bárin qalpyna keltirýdi talap etti.
“Ospanova hanym, dárigerler men medıına qyzmetkerlerin qorqytýdy doǵaryńyz. Men bas dárigerlerimizdi qorǵamaımyn. Olar tek óz emhanasynyń nemese aýrýhanasynyń masshtabynda júrgen siz sııaqty jemqor sheneýnikter. Endi mine, sizdiń handyq ambıııalaryńyzdyń kesirinen oblystyń densaýlyǵy nashar. Oblystyń densaýlyq saqtaý salasyn jemqorlyqtan, ıntrıgadan, rýshyldyqtan, paraqorlyqtan, urlyqtan, dárigerlerdiń kásibı emestiginen t.b. qalpyna keltirińiz.
Tynysh kelip, ýaqytyńyzdy ótep, ar-ujdanyńyzdy saqtap, Astanaǵa qyzmetke ketkenińizde men bir aýyz sóz aıtpas edim. Óıtkeni, sizdiń qyzmetkerińiz Áset Qalıev Aqtóbe oblysynan qylmystyq qýdalaýdan qashyp Berdibek atasynyń qanatynyń astynda. Ol sýdan da tynysh, shóptiń astynda qyzmet etip, siz aqsha tabatyn «jobalar men, reformalardy» tastap qashyp ketken. Olar Túrkistan ólkesindegideı eshteńe istemeıtin. Biraq nege qol astyndaǵylarǵa salyq salasyz? Dárigerlerdiń Prezıdent Q.J. Toqaevqa úndeý joldaýyn kútýdesiz be?”,- dep jazdy Ýálıhanov.
Ýálıhanov JITS ortalyǵynyń qyzmetkerleri WhatsApp arqyly jazǵanyn, olardan da aqsha jınaıtynyn aıta ketti.
“Mine, JITS ortalyǵynyń qyzmetkerleri maǵan WhatsApp arqyly jazdy: Adash Shalabaıqyzy Moldasheva barlyq aýrýhanalardyń, emhanalardyń shtattyq qyzmetkeri bolyp, toqsan saıyn bas dárigerlerdiń orynbasarlarynyń, bas býhgalterdiń jalaqysyn jáne basqa da somalaryn bekitip, oblys boıynsha qarjy ekonomıkasy jónindegi orynbasary Perızat Jolduǵulqyzynyń úlesine qosady. Aı saıyn gaz talonyn týystarynyń aýrýhanalarynan alady.
Al JITS ortalyǵy Moldashevaǵa aı saıyn 200 lıtr benzın tasıdy, basqa da aýrýhanalar syıaqy tóleıdi. Sondyqtan Moldasheva bas dárigerler men orynbasarlardyń jalaqysyn bekitý úshin 50 myńnan alym jınap alyp, jumystan shyǵarmaıdy. Bir aýrýhanada 8 qol pozıııa bar, bul qazirdiń ózinde 400 myń. Bul bir ǵana aýrýhanany eseptegende, biraq oblystaǵy qanshama aýrýhanadan aqsha jınaıdy?!
Úmbetalıeva Perızat Joldyǵulovna densaýlyq saqtaý salasynyń jańa basshysyn jańylystyrýda, barlyq emdeý mekemelerin negizsiz tekserip, bas dárigerlerdiń esep kartasyn alyp, barlyǵyn qorqytyp, olardyń orynbasarlaryn qysqartady. Eger ol ózi densaýlyq saqtaý basqarmasynyń ekonomıka jáne qarjy jónindegi orynbasary bolsa, nege oblys ákimi onyń laýazymyn qysqartý týraly másele kótermeıdi jáne ol oblys ákimi sııaqty áreket etedi? Sondaı-aq, bárin ózi sheshedi.
Ospanova hanym, shtattan tys qyzmetker Moldasheva Adas sol arqyly derekter jınaıdy. 30 jyl densaýlyq saqtaýda jumys isteıdi, 5 jyldan beri zeınetker, qazir frılanser bolyp barlyq aqshany, taýardy jáne talondy ózi arqyly alyp otyr. Osy Úmbetalıev, Moldasheva qyzmetkerlerin ornyna alyp tastańyzdar”,- dedi qoǵam belsendisi.
Sonymen qatar, Berikbol Ýálıhanov JITS ortalyǵyn da tekserýdi talap etti.
“Olar oblysty qarjylandyrmaıdy, Foms barlyq medıınalyq uıymdarǵa aqshany toqtatyp tastady, oblystyń emdeý mekemelerinen qandaı jospar surasa da, bári qaryzǵa batady. Aqsha úı janýarlaryna kóbirek bólinedi.
JITS ortalyǵynyń jumysyn tekserińiz. Adas Shalabaıqyzynyń jıeni jáne barlyq medıınalyq mekemelerde týystary qyzmet etedi. Ol barlyq týystary men jaqyndaryn shtattan tys ekonomıst Moldashevamen birge negizgi qyzmetterge qoıýǵa shaqyrdy”,- dedi Ýálıhanov.
Munymen qosa, Jambyl oblysy, Merki aýdandyq ortalyq aýrýhanasynyń dárigeri Qyzylov Asqar esimdi azamat óz jumysyndaǵy bassyzdyqty ashyp aıtyp, hat joldady. Hatyn oqyrman nazaryna usynamyz:
- 2021 jyly ujymnan gazet alasyńdar dep qarjy jınap aldy. Biraq bir jyldyq gazet kelgen joq. Muny ashyq aıta bastap edik, qaıtadan aqsha jınap, 2023 jyldyń gazetine jazdyrdy. Bul ne qylǵany? Jasyratyn túgi joq, aýrýhanamyzdyń jaı-kúıi ketti. "Jan saqtaý", "Hırýrgııa" bóliminiń jóndeý jumystaryn sozyp jiberdi. Onyń ózi ońyp turǵan joq. Al halyqtyń ne kánisi bar? Siz bilesiz be, halyq qansha ýaqyt osy aýrýhanada qatty qınaldy? Dárigerlerdiń jumys isteıtin orny da joq. "Jansaqtaý" bólimin aldy da basqa jaqqa kóshirip jiberdi. Sodan talaı adam ólip ketti. Ony jasyrmaımyn.
Basshylyq aýrýhanada aýmaǵynda bolmaǵan «48 aımaq» degen ǵımaratty jalǵan qujatqa engizip, aqsha alyp keldi. Olar – 8 adam. Sybaılas jemqorlyqqa qarsy basqarmany shaqytyp, tekserttik. Arasynda bireýin ǵana kináli qylyp shyǵaryp, soǵan bar qylmysty úıip-tókti. Ospanova munymen qoımaı qyzmetinde órlep, Tarazǵa úlken bastyq bolyp aýysty. Óziniń kúıeýbalasyn qyzmetke taǵaıyndap ketti. Kúıeýbalasy saýatsyz maman. Biliktiligin arttyrý boıynsha bilim alyp kelgen boldy. Onyń ózin aıtsań, uıat. Qyzdardyń "jynystyq perdesin qaıta tigý" boıynsha oqyp kelgen Ospanovanyń kúıeýbalasy bizdi basqaryp otyr. Deni durys oqýy da joq.
Jumystaǵylarǵa qoldaý retinde burǵynǵy Maqatova degen bastyǵymyz ústemaqy tóleıtin. Ony bular qysqartyp tastady. Medbıkeler aıaqtan tozyp, kóshe-kósheni aralaıdy. Olarǵa aıaq kıim shaq kelmeıdi. Al basshylyq soǵan bólinetin qarjyny qaltasyna basyp otyr.
Biz bir jylda biz 192 mıllıon taptyq. Dárigerlerge sonyń 30%-yn berip, qalǵanyn Úkimetke qaldyrsyn. Ol da joq. Halyqqa jumys istegim keledi. Eki mamannyń jumysyn bir ózim atqaryp otyrmyn. Al eńbegimiz baǵalanbaıdy, tek qanaý ǵana. Laıyq eńbekaqym qaıda? Men halyqtan teris aınalmaımyn, basshylyq jónge kelýi kerek. Memlekettiń qarjysy talan-tarajyǵa túsip jatyr.
Sonymen qatar, berekesi ketken aýrýhananyń basshylyǵyna shaǵym aıtqan dáriger bizge aryzyn da qosa joldady. Aryzda ol jol-capar aqshasynyń tólenbegenin, pandemııa kezindegi "bylyqtardy" aıyptaıty. Jóndeý jumystary barysynda qarjy jymqyrǵan basshylyqqa qatysty tyńǵylyqty tergeý júrgizýdi talap etedi.
"Adyrna" ulttyq portaly aımaqtyq aýrýhanadan shyqqan kıkiljińdi óz baqylaýynda ustaıtyn bolady.
"Adyrna" ulttyq portaly
