25 nauryzda qazaq ǧylymynyŋ damuyna ölşeusız üles qosqan ǧalym, professor, E.A.Böket atyndaǧy Qaraǧandy universitetıne eŋbegı sıŋgen qyzmetker, fizika-tehnikalyq fakultettıŋ negızın qalauşylardyŋ bırı, Qazaqstan Respublikasy Prezidentınıŋ «Qūrmet» ordenınıŋ iegerı, HH ǧasyrdyŋ ǧūlama adamy, fizika-matematika ǧylymdarynyŋ doktory, ūlt janaşyry, respublikalyq QAZAQ CLUB-tyŋ qūrmettı töraǧasy Temırǧali Köketai aǧamyz 85 jasqa toldy.
Ūlttyq müdde degende janyp tüsetın, özındık azamattyq ūstanymy dara, äruaqytta parasat biıgınen tabylatyn, jastardan aǧalyq aqyly men qoldauyn aiamaityn el jaqsylarynyŋ bıregeiı Temırǧali aǧanyŋ bıtım-bolmysy erek jan. Temırǧali Köketai 1938 jyly qazırgı Qaraǧandy oblysy, Jetkınşek auylynda düniege kelgen. 1964 jyly Abai atyndaǧy pedagogika institutynyŋ fizika-matematika fakultetın tämamdap, Estoniianyŋ Tartu universitetıne oquǧa tüstı. Al 1970 jyly atalǧan joǧary oqu ornynda jürıp, doktorlyq dissertasiia qorǧady. Ǧylymi jaŋalyq aşyp suyq jaryq qūbylysyn oilap tauyp, fizika salasynda özındık ızın qaldyrdy. Temırǧali aǧa tūŋǧyş qazaq fizigı, Oksfordta därıs oqyǧan alǧaşqy qazaq ǧalymy. Düniejüzı ǧalymdaryn bılımımen, aşqan ǧylymi jaŋalyǧymen moiyndatyp, Ūlybritaniiadaǧy halyqaralyq biografiialyq ortalyqtyŋ şeşımımen düniejüzı fizikterınıŋ arasynda 1999 jyly «HH ǧasyrdyŋ ǧūlama adamy» atanǧan azamat.
Temırǧali aǧanyŋ ǧalym retındegı joly öz aldyna, bız üşın onyŋ eŋ ardaqty qasietı, ol ömırlık ūstanymy, ūlt müddesı degende jai tauyp otyra almaityn, ūlttyq taqyryp qozǧalǧanda özınıŋ pozisiiasyn aşyq, eş bükpesız aitatyn azamattyq qyry erekşe qymbat. Ol Qazaq club-tyŋ aiasynda 2019-2022 jyldary tūsauy kesılgen «Ūlt qūndylyqtaryn saqtau men nasihattauǧa baǧyttalǧan Qazaq küntızbesı», «Täuelsızdık lentasy», «Jauyngerlık Daŋq lentasy» syndy jobalarǧa özınıŋ aq batasyn berıp, osynau bıregei jobalardyŋ qazaq qoǧamynda nasihattaluyna üles qosyp keledı. Ǧalymnyŋ tuǧan künıne orai akademik E.Böket atyndaǧy Qaraǧandy universitetınde fizika-tehnikalyq fakultetınıŋ kezekten tys Keŋesınıŋ otyrysy bolyp öttı. Būl şaraǧa Almaty, Astana, Qaraǧandy qalalarynan elımızge belgılı ǧalymdar, jazuşylar, el azamattary men ǧalymnyŋ şäkırtterı, atap aitqanda fizika-matematika ǧylymdarynyŋ doktory, Äl-Farabi atyndaǧy Qazaq Ūlttyq Universitetınıŋ professory A.Tūrmūhambet, jazuşy A.Säulebek, önertanuşy, Ş.Aiman atyndaǧy «Qazaqfilm» kinostudiiasynyŋ redaktory E.Töleutai, filologiia ǧylymdarynyŋ doktory, professor, aqyn Q.Asan, L.N.Gumilev atyndaǧy Euraziia ūlttyq universitetınıŋ tehnikalyq fizika kafedrasynyŋ zertteuşısı D.Qargin, fizika-matematika ǧylymdarynyŋ doktory, L.N.Gumilev atyndaǧy Euraziia ūlttyq universitetınıŋ professory T.Nūrahmet, fizika fakultetın 1977 jyly alǧaş bıtırgen tülekterdıŋ atynan fizika-matematika ǧylymdarynyŋ kandidaty J.İsmail, fizika-matematika ǧylymdarynyŋ doktory, L.N.Gumilev atyndaǧy Euraziia ūlttyq universitetınıŋ professory Q.Küterbek, Ä.Saǧyn atyndaǧy Qaraǧandy tehnikalyq universitetınıŋ aǧa oqytuşysy N.Oşan, Temırǧali Äbıldaūlynyŋ şäkırtı L.N.Gumilev atyndaǧy EŪU-nıŋ tehnikalyq fizika kafedrasynyŋ dosentı Ǧ.Saǧyndyqova qatysyp, Temırǧali aǧaǧa özderınıŋ jürekjardy tılekterın arnap, jyrdan şaşu şaşty.
Būl şaraǧa respublikalyq «Qazaq club» müşelerı de qatysyp, el aǧasynyŋ keudesıne «Täuelsızdık tösbelgısın» taqty. Tösbelgıde körınıs tapqan Möde qaǧan, Kerei men Jänıbek handardyŋ, üş jüzdı bırıktırgen ūly Abylai hannyŋ, Er Kenesary men Älihan Bökeihannyŋ äruaǧy el aǧasyn qoldap jürsın demekpız. Aǧamyzdyŋ tuǧan künıne orai aitylǧan aq tılekterge qosyla otyryp, Temırǧali aǧaǧa zor densaulyq, şaŋyraǧyna baq-bereke tıleimız. Elımızdıŋ ǧylym salasynyŋ damuyna ülken üles qosqan aimaǧymyzdyŋ abyz aqsaqalynyŋ ǧūmyr jasy ūzaq bolyp, qolynan qamşysy, özı attan tüspesın!
Qūrmetpen, QAZAQ CLUB müşelerı: N.Sūrşaūly, A.Halen, E.Qajybek (Türkiia) S.Keldıbai, E.Äbıldin, Q.Amantai, E.İmanbek, M.Ydyrys, J.Şubai, S.Aralbai, E.Keŋesbek, J.İsa, N.Oşan, D.Aqyş, S.Erşımanūly, N.Kärıbai, B.Aqsaqal, N.Smaǧūl, D.Nūrkeiūly, D. Ūtjan, A.Särsekei, A.Şatek jäne t.b
"Adyrna" ūlttyq portaly
