Deputat Almatynyŋ tauly audandaryndaǧy qūrylysqa moratorii jariialaudy ūsyndy

Senat otyrysynda deputat Andrei Lukin Almaty qalasynyŋ tauly jäne tau bökterındegı audandarda qūrylysqa moratorii jariialap, şekteudı ūsyndy. Sonymen qatar, aqşaǧa qūnyǧyp, esepsız baiu jolynda tüsken toptardyŋ äsem qala tabiǧatyn tübı qūrtyp tynatynyn aityp, dabyl qaqty, dep habarlaidy "Adyrna" ūlttyq portaly.  Deputat Almaty qalasyndaǧy jūrtşylyqtyŋ uäjın jetkızıp, tau bökterınde qaulaǧan qūrylystyŋ jūrtşylyqty tolǧandyryp otyrǧandyǧyn aitty. Mūnymen qosa, qūrylys salu barysynda alma baqtary otalyp, dauly mäselelerdıŋ kürmeuı köbeie tüsken.

"Jekemenşık qūrylys kompaniialary biznestı tekseruge qoiylǧan moratoriidı alǧa tartyp, şarua qojalyǧy men bau-baqşaǧa arnalǧan jerdıŋ maqsatyn jeke tūrǧyn üi saluǧa özgertıp alady jäne tau bökterındegı aimaqtarda köpqabatty tūrǧyn üi keşenderı qūrylysyn saludy qarqyndy jalǧastyryp keledı. Tau bökterınıŋ jūmsaq jerı kürdelı qūrylysqa jaramsyz ekenı belgılı. TJM būl uchaskedegı qūrylys tehnogendık sipattaǧy köşkınderge äkeluı mümkın ekenı bırneşe ret habardar etken bolatyn", - dedı deputat Senattyŋ jalpy otyrysynda Ükımet basşysynyŋ atyna joldaǧan deputattyq saualynda.

Deputat mūndai qarqyndy qūrylystyŋ jaidan-jai bolyp otyrǧan joq ekendıgın de tılge tiek ettı. Alma baqtarynyŋ otalyp, ornyna qarqyndy tūrǧyn üilerdıŋ salynuy bıreudıŋ müddesımen nemese salǧyrtyǧynan bolyp otyrǧandyǧyn qadap aitty.

"Jyljymaityn mülık salasyndaǧy habarlandyrulardy ornalastyruǧa arnalǧan qazaqstandyq ırı saittardyŋ bırınde Kamenskoe plato şaǧyn audanynda 50 sotyqtan gektarǧa deiıngı jer uchaskelerın satu turaly bırneşe habarlandyru bar. Būl uchaskeler bır kezderı şarua qojalyqtary retınde berılgen bolatyn, al qazır kottedj qalaşyqtary, taunhaustar, klub üilerı üşın «eŋ jaqsy oryn» retınde satylyp jatyr. Bır habarlandyruda menşık iesı tıptı memlekettık organdardaǧy bailanystar arqyly jerdıŋ nysanaly maqsatyn qaita resımdeu jäne özgertu kezınde kömek körsetuge daiyn", - dedı Andrei Lukin.

Sondai-aq, deputat alma baǧy jainaǧan Almaty qalasynyŋ tabiǧatyna da alaŋdauly. Almaty audandarynyŋ ekologiialyq küiı men tau bökterınıŋ erekşe sūlu tabiǧaty keibır toptyŋ paidaǧa kenelu men baiuǧa esepsız qūnyǧuyna bailanysty joiylyp ketuı mümkın dep dabyl qaqty. Senator şūǧyl arada Ükımetke osy mäselenı qolǧa alyp, baqylauda ūstaudy ūsyndy.

"Adyrna" ūlttyq portaly