Qyzyljardaǵy "Halyq keńesi" atty uıymnyń áreketine saraptama-taldama júrgizgen saıasattanýshylar "separatızm belgilerin" anyqtady. Naqtyraq aıtqanda, separatızmdi nasıhattady degen kúdikke ilingen uıymǵa qatysty saraptama nátıjesi shyqty. Toptyń úsh belsendisi ýaqytsha ustaý ızolıatoryna qamaýǵa alyndy. Tergeý áli jalǵasyp jatyr, dep habarlaıdy "Adyrna" ulttyq portaly.
Búgin Soltústik Qazaqstan oblystyq prokýratýrasy brıfıng ótkizip, ózderin «Halyq keńesi» dep ataǵan toptyń úsh belsendisiniń qamaýǵa alynǵanyn jarııalady.
«Separatızmdi nasıhattady degen kúdikke ilingen topqa qatysty eki qylmystyq is qozǵaldy. Olardyń áreketi QR Qylmystyq kodekstiń 180-baby, 2-bóligi boıynsha Qazaqstan Respýblıkasynyń birtutastyǵy men tutastyǵyn ydyratýdy nasıhattaý nemese oǵan jarııa túrde buqaralyq aqparat quraldaryn jáne telebaılanys jelilerin shaqyrýmen materıaldardy taratý jáne Qylmystyq kodekstiń 179-baby boıynsha memlekettiń qaýipsizdigin ydyratýdy úgitteý boıynsha saraptalǵan.
Mundaı áreketter QR zańnamasy boıynsha aýyr qylmystar sanatyna kiredi. Ol úshin sankııasymen, qatań túrde 10 jylǵa deıingi merzimge bas bostandyǵynan aıyrý túrindegi balamasyz jazalaý qoldanylady.
Toptyń negizgi úsh fıgýranty búgin bir saǵat buryn ýaqytsha ustaý ızolıatoryna qamaýǵa alyndy», - dedi SQO prokýratýrasy basqarmasynyń bastyǵy Ǵanı Jalbı.
Saıasattanýshy jáne ózge de mamandardyń qatysýymen bolǵan komıssııalyq psıhologııalyq-fılologııalyq sot saraptamasynyń qorytyndylaryna sáıkes separatızm belgileri anyqtalǵan.
«Tergeý barysynda Petropavl qalasynda 2023 jylǵy 19 naýryzda Soltústik Qazaqstan ýnıversıtetiniń kolledj ǵımaratynda «Halyq Keńesi» tobyna qatysýshylar oblys ortalyǵynyń 20 azamatynan turatyn toptyń jınalysy ótkendigi, olar ózderin Keńes Soıalıstik Respýblıkalar Odaǵynyń izbasarlary dep kózqarastaryn bildirgendikteri belgili boldy. Bireýi kámelet jasyna tolmaǵan balasymen kelgen.
Qalǵan 16 adam jumystarynan shettetilgen joq, qyzmetterin jalǵastyryp jatyr. Olar boıynsha sheshim qabyldanǵan joq.
Kinási dáleldengen jaǵdaıda jazaǵa tartylady. Tergeý barysy qatań baqylaýda. Kimniń qaıda jumys isteıtindigi týraly, qalaı bul topqa qosylǵandyǵy týraly ázirge QR Qylmystyq-proestik kodeksiniń 201-babyna sáıkes jarııalaýǵa jatpaıdy.
Qazirgi ýaqytta tergeý áreketteri jalǵasýda jáne jınalysqa qatysqan basqa tulǵalarǵa qatysty obektıvti jáne jan-jaqty quqyqtyq baǵa beriletin bolady», - dedi Ǵanı Jalbı.
Esterińizge salaıyq, 30 naýryzda «Halyq Keńesi» tobyna qatysýshylardyń jınalysy týraly ınternet jelilerdegi beınerolık boıynsha Ulttyq qaýipsizdik Komıtetiniń SQO boıynsha Departamentimen separatızm faktisi boıynsha sotqa deıingi tergeýdi bastaǵan edi. Sol kúni oblys prokýratýrasynyń nusqaýy boıynsha Ultyq qaýipsizdik komıteti departamentiniń, Polıııa departamentiniń, Ekonomıkalyq tergeý departamentiniń, oblystyń Sybaılas jemqorlyqqa qarsy qyzmeti qyzmetkerlerinen vedomstvoaralyq jedel-tergeý toby quryldy, proestik prokýrorlar taǵaıyndaldy.
"Adyrna" ulttyq portaly
