"Naqty separatistık belgıler anyqtaldy". Qyzyljardaǧy "Halyq keŋesınıŋ" 3 belsendısı qamauǧa alyndy

Qyzyljardaǧy "Halyq keŋesı" atty ūiymnyŋ äreketıne saraptama-taldama jürgızgen saiasattanuşylar "separatizm belgılerın" anyqtady.  Naqtyraq aitqanda, separatizmdı nasihattady degen küdıkke ılıngen ūiymǧa qatysty saraptama nätijesı şyqty. Toptyŋ üş belsendısı uaqytşa ūstau izoliatoryna qamauǧa alyndy. Tergeu älı jalǧasyp jatyr, dep habarlaidy "Adyrna" ūlttyq portaly. Bügın Soltüstık Qazaqstan oblystyq prokuraturasy brifing ötkızıp, özderın «Halyq keŋesı» dep ataǧan toptyŋ üş belsendısınıŋ qamauǧa alynǧanyn jariialady.

«Separatizmdı nasihattady degen küdıkke ılıngen topqa qatysty ekı qylmystyq ıs qozǧaldy. Olardyŋ äreketı QR Qylmystyq kodekstıŋ 180-baby, 2-bölıgı boiynşa Qazaqstan Respublikasynyŋ bırtūtastyǧy men tūtastyǧyn ydyratudy nasihattau nemese oǧan jariia türde būqaralyq aqparat qūraldaryn jäne telebailanys jelılerın şaqyrumen materialdardy taratu jäne Qylmystyq kodekstıŋ 179-baby boiynşa memlekettıŋ qauıpsızdıgın ydyratudy ügıtteu boiynşa saraptalǧan. Mūndai äreketter QR zaŋnamasy boiynşa auyr qylmystar sanatyna kıredı. Ol üşın sanksiiasymen, qataŋ türde 10 jylǧa deiıngı merzımge bas bostandyǧynan aiyru türındegı balamasyz jazalau qoldanylady. Toptyŋ negızgı üş figuranty bügın bır saǧat būryn uaqytşa ūstau izoliatoryna qamauǧa alyndy», - dedı SQO prokuraturasy basqarmasynyŋ bastyǧy Ǧani Jalbi.

Saiasattanuşy jäne özge de mamandardyŋ qatysuymen bolǧan komissiialyq psihologiialyq-filologiialyq sot saraptamasynyŋ qorytyndylaryna säikes separatizm belgılerı anyqtalǧan.

«Tergeu barysynda Petropavl qalasynda 2023 jylǧy 19 nauryzda Soltüstık Qazaqstan universitetınıŋ kolledj ǧimaratynda «Halyq Keŋesı» tobyna qatysuşylar oblys ortalyǧynyŋ 20 azamatynan tūratyn toptyŋ jinalysy ötkendıgı, olar özderın Keŋes Sosialistık Respublikalar Odaǧynyŋ ızbasarlary dep közqarastaryn bıldırgendıkterı belgılı boldy. Bıreuı kämelet jasyna tolmaǧan balasymen kelgen. Qalǧan 16 adam jūmystarynan şettetılgen joq, qyzmetterın jalǧastyryp jatyr. Olar boiynşa şeşım qabyldanǧan joq. Kınäsı däleldengen jaǧdaida jazaǧa tartylady. Tergeu barysy qataŋ baqylauda. Kımnıŋ qaida jūmys ısteitındıgı turaly, qalai būl topqa qosylǧandyǧy turaly äzırge QR Qylmystyq-prosestık kodeksınıŋ 201-babyna säikes jariialauǧa jatpaidy. Qazırgı uaqytta tergeu äreketterı jalǧasuda jäne jinalysqa qatysqan basqa tūlǧalarǧa qatysty obektivtı jäne jan-jaqty qūqyqtyq baǧa berıletın bolady», - dedı Ǧani Jalbi.

Esterıŋızge salaiyq, 30 nauryzda «Halyq Keŋesı» tobyna qatysuşylardyŋ jinalysy turaly internet jelılerdegı beinerolik boiynşa Ūlttyq qauıpsızdık Komitetınıŋ SQO boiynşa Departamentımen separatizm faktısı boiynşa sotqa deiıngı tergeudı bastaǧan edı. Sol künı oblys prokuraturasynyŋ nūsqauy boiynşa Ūltyq qauıpsızdık komitetı departamentınıŋ, Polisiia departamentınıŋ, Ekonomikalyq tergeu departamentınıŋ, oblystyŋ Sybailas jemqorlyqqa qarsy qyzmetı qyzmetkerlerınen vedomstvoaralyq jedel-tergeu toby qūryldy, prosestık prokurorlar taǧaiyndaldy.

"Adyrna" ūlttyq portaly