Ekinshi dúnıejúzilik soǵystyń aıaqtalǵan kúnine oraı uıymdastyrylǵan Polshadaǵy is-sharada Reseı elshininiń joly jabyldy. Varshava halqy Reseı dıplomattarynyń qarsy aldyna turyp alyp, "rashıster" dep aıyptady, dep habarlaıdy "Adyrna" ulttyq portaly.
Reseıdiń Polshadaǵy elshisi Sergeı Andreev jáne basqa reseılik dıplomattardyń "joly jabyldy". Varshava qalasy, Jvırka men Vıgýra kóshelerinde ornalasqan keńes sarbazdarynyń memorıalyna gúl shoqtaryn qoıýǵa jol berilmedi. Halyqtyń kárine ushyraǵan dıplomattarǵa qatysty vıdeo aqparattyq keńistikti sharlap ketti.
TASS-tyń habarlaýynsha, zırat aımaǵynda jınalǵan kópshilik qaýym reseılik dıplomattardyń eskertkishke gúl shoqtaryn qoıýyna kedergi keltirgen.
Oqıǵa ornynan túsirilgen vıdeolardan baıqaǵanymyzdaı, Andreevti bir top adam qorshap alyp, " Rashıster!» degen sarynda aıyptaıdy.
Reseı dıplomattary eshkimniń zardap shektegenin aıtty. Degenmen orys tildi basylymdardyń jazýynsha, bolǵan oqıǵa saldaryna baılanysty "jaǵasyn ustap otyr".
Eske sala keteıik, bir jyl buryn da mundaı jaǵdaı bolǵan edi. Ol kezde Andreev eskertkish áıkeline gúl shoqtaryn qoıýyn qoıdy, biraq sol sátte ústine qyzyl boıaý shashylǵan-tuǵyn.
"Adyrna" ulttyq portaly
