Almaty qalasynda aýdandardyń jańa ákimderi taǵaıyndaldy. Kadr máseleleri jónindegi keńes barysynda qala ákimi Erbolat Dosaev basshylardy ujymmen tanystyrdy, dep habarlaıdy «Adyrna» tilshisi.
Naýryzbaı aýdanynyń ákimi bolyp Nazıra Toǵyzbaeva taǵaıyndaldy, ol 2021 jyldyń qańtar aıynan bastap jumyspen qamtý jáne áleýmettik baǵdarlamalar basqarmasynyń basshysy bolyp jumys istedi.
Áýezov aýdanynyń ákimi qyzmetine Abzal Egemberdıev keldi. 2022 jyldyń tamyz aıynan bastap ol qalanyń memlekettik aktıvter basqarmasyn basqarǵan edi.
Bostandyq aýdanynyń ákimi Sandjar Alın boldy. Taǵaıyndalǵanǵa deıin Energetıka jáne sýmen jabdyqtaý basqarmasynyń basshysy qyzmetin atqardy.
Almaly aýdanyn Aıdar Jaqybaev basqarady. 2023 jyldyń qańtar aıynan bastap Almaty qalasy ákimi apparaty basshysynyń mindetin atqarýshy boldy.
