Eń úlken qaýip nemese “Sý mınıstrligi” qashan qurylady?
Qurǵaqshylyq - ulttyq qaýipsizdik taqyrybyna aınalyp bara jatyr. Aral, Kaspıı, Balqash, Syrdarııa, Esil, Jaıyq tize bersek, birinen soń biri tabany qurǵap, ondaǵy bıoalýandylyq túri joıylyp, zardaby ólsheýsiz daǵdarysqa apara jatyr!
Sý qorlarymyz azaıyp, elimizde shóldi jáne shóleıtti jerlerdiń aýmaǵy úlkeıip, qum astyna kómilip bara jatqanymyzdy qalalarda ásirese Astana qalasyndaǵy salqyn jeldetkishte otyrǵan mansap ıeleri túsine qoıary shamaly. Qalaı desekte osy Astanada, búginniń ózinde aýyz sý tapshylyǵy qatty baıqalyp, jyldap emes, kún sanap óte ótkir taqyrypqa aınalýda.
Aýyz sýdy ysyrapqa aınaldyryp jatqanyn, saryldatyp aǵyzyp, kópqabattyń birinde tańerteń jáne keshke tisin jýyp turatyn mıllıondaǵan turǵynnyń qanshasy oılanyp jatyr deısiz…?!
Sol úshinde transshekaralyq, jer asty, kólder men teńizderdi, ózender men jalǵyz darııamyzdyń sýyn naqty baqylaýǵa alatyn, naǵyz “Ádiletti Qazaqstannyń” daryndy jas mamandarynan turatyn «Sý mınıstrligin» dereý qurý qajet!
Álemdik jylynýǵa beıimdelý tustaryn eskerip, bul daǵdarystan alyp shyǵar, tikeleı komıtet dárjesinde mınıstrlik saıasatynan shyǵa almaı júrgen salany, vedomstvalyq dárejege kóterip, ulttyq qaýipsizdik deńgeıinde ǵylymǵa tikeleı baǵyt alǵan jaýapty sala qurylýy tıis!
Bul - álemdik tájirıbe. Kórshi Ózbek eliniń ózinde bul erterekten saqtalyp qalǵan vedomstva. Sondyqtan da tikeleı transshekaralyq nemese ishki sý máselesinde óz pozıııalarynda nyq ekenin baıqatady. Ári bul salany ǵylymmen tyǵyz baılanystyryp, jańasha tyń jańalyqtar jasaýǵa tolyq múmkindik bar.
Sý - tirshilik kózi. Álem men adamzattyń basty qajettiligi. Bul munaı men gazdan, altyn men metaldan da qymbat qazyna ekenin álde qashan túsingen álem, sý únemdeý mádenıetin damytyp ketkeli qaı zaman… Sondyqtan da bolashaq urpaqty tirshilik kózinen aıyrmaýdyń amalyn jasaǵanymyz abzal, qymbatty úkimet!!!
