Auylǧa jūmysqa kelgen medisina qyzmetkerlerı üşın 10 mln teŋge järdemaqy berıluı mümkın. Būl turaly Mäjılıs deputaty Ashat Aimaǧambetov Telegram arnasynda jazdy, dep habarlaidy “Adyrna” ūlttyq portaly.
Qūrmettı därıgerler men densaulyq saqtau salasynyŋ qyzmetkerlerı! Sızderdı käsıbi merekelerıŋızben qūttyqtaimyn! Sızderdıŋ mamandyqtaryŋyz – eŋ qiyn, jauapty jäne asyl mamandyqtardyŋ bırı. Sızder kün saiyn myŋdaǧan adamdardyŋ ömırın saqtap qalyp, naǧyz erlık jasap jürsızder. Prezidenttıŋ tapsyrmalaryna säikes soŋǧy jyldary jalaqy köterılıp, jaŋa densaulyq saqtau nysandary salynyp jatyr, – dep jazdy deputat.Onyŋ aituynşa, qazır Äleumettık-mädeni damu komitetı densaulyq saqtau turaly zaŋ jobasyn qarastyryp jatyr. Onda medisina qyzmetkerınıŋ märtebesın bekıtu, därıgerlerdı äleumettık qoldau jäne qūqyqtyq qorǧau boiynşa qosymşa şaralardy qarastyru maŋyzdy. Osy maqsatta Komittetıŋ deputattary bırqatar tüzetulerge bastamaşylyq jasady.
Auylǧa jūmysqa kelgen medisina qyzmetkerlerı üşın 10 mln teŋge mölşerınde köterme järdemaqy belgıleu jönındegı normany Zaŋǧa engızu turaly tüzetu engızıldı. Sondai-aq äleumettık medisinalyq saqtandyru qoryna öz jarnalaryn töleitın barlyq medisina jäne bılım beru qyzmetkerlerınıŋ jyl saiynǧy, mındettı medisinalyq tekseruden tegın ötuı, iaǧni MÄMS esebınen ötuı turaly norma ūsynyldy. Ükımettık nūsqada zaŋ jobasynda 2025 jyldan bastap medisina qyzmetkerlerınıŋ özderı käsıptık jauapkerşılıktı saqtandyru boiynşa jyl saiynǧy saqtandyru aqylarynyŋ 50%-n töleuge mındetteu közdelgen. Būl rette Komitet deputattary 100% saqtandyrudyŋ barlyq somasyn jūmys beruşınıŋ esebınen jabudy ūsynyp otyr.Sonymen qatar, medisina qyzmetkerlerınıŋ märtebesın arttyru üşın balalaryn balabaqşalardaǧy oryndarmen basym tärtıppen qamtamasyz etu, demalystardyŋ ūzaqtyǧyn ūlǧaitu jönındegı normalar ūsynyluda, sondai-aq özderınıŋ käsıbi mındetterın atqaru kezınde qaitys bolǧan nemese mügedek bolǧan medisina qyzmetkerlerınıŋ balalary üşın joǧary bılım beru granttaryn bölu kezınde basym qūqyqty belgıleu bölıgınde tüzetu engızıldı. Ashat Aimaǧambetov medisina qyzmetkerlerın qūqyqtyq qorǧau jönındegı norma jäne därıgerlerdı qorǧauǧa baǧyttalǧan basqa da normalar ūsynylyp otyrǧanyn jetkızdı Bügınde būl tüzetuler Ükımettıŋ qarauyna jıberıldı.
Ūqsas jaŋalyqtar
