Ministr qysta päterdegı tömen temperaturaǧa halyqtyŋ boi üiretuı kerektıgın aitty

6025
Adyrna.kz Telegram
https://adyrna.kz/content/uploads/2023/06/7d4af61a6fba0e94-1.jpg
Ūlttyq ekonomika ministrı Älıbek Quantyrov tūrǧyndarǧa erekşe ündeu jasap, qys kezınde päterdegı tömen temperaturaǧa boi üiretıp, "şirauǧa şaqyrdy" şaqyrdy, dep habarlaidy "Adyrna" ūlttyq portaly. 
«20-21 gradusty qūraityn qalypty normalarǧa üirenu kerek. Qysta būl temperaturany qalypty dep sanaimyz, sebebı resurstardy ünemdeu qajet. Bızdıŋ elde adamdar üidegı joǧary temperaturaǧa äbden üirenıp alǧan. Mūnyŋ saldary jylu beru jelılerıne tym joǧary salmaq tüsırıp otyr», - dedı Älıbek Quantyrov Parlament palatalarynyŋ bırlesken otyrysynan keiın tılşıler sūraǧyna jauap bere otyryp.
Ministrdıŋ paiymdauynşa, jylu boiynşa normativ körsetkışı - 21 gradus şamasynda. Tūrǧyndar qysta 23-25 gradusqa üirenıp qalǧan jäne ony tiıstı normaǧa tüsırse, halyq şaǧymdana bastaidy. Sondai-aq ministr qysta "arqany keŋge salyp",  terezenı nemese balkondy aşu arqyly üi temperaturasyn qoldan rettemeuge şaqyrdy.
«Bızge arnauly qūrylǧylardy ornatu kerek, sol kezde tūrǧyndar päterdegı jyludy qadaǧalap, energiiany ünemdeuge nazar audara bastaidy. Jalpy, elımızdegı infraqūrylymdy jaŋartu şyǧyndary tek tarif esebınen ǧana emes, sonymen qatar biudjet qarajatyn igeru arqyly ıske asyrylady. Tarif deŋgeiı adamdarǧa salmaq tüsırmeuı kerek. Halyqtyŋ äleumettık osal toptaryna äkımdıkter arqyly ötemaqy töleu mümkındıgı bar», - dedı ministr.
Oraiy kelgende aita keteiık, Ä.Quantyrov biyl jylu tarifterı qanşalyqty qymbattaitynyn aitqan bolatyn. Būl rette:
«Tiıstı esep-qisapty jürgızu üşın ortaşa eseppen 60-70 şarşy metrlık ekı bölmelı päterdıŋ şyǧynyn nazarǧa alamyz. Öŋırlerde ortaşa chek aiyna 2-4 myŋ teŋgege ösedı. Iаǧni öŋırge bailanysty aiyrmaşylyq bolady. Jalpy, jylu energiiasyn ünemdeu qadamdaryn yntalandyramyz, - degen edı ministr.

"Adyrna" ūlttyq portaly 

Pıkırler