Türkıstan oblysynda jas ǧalym, kolledj oqytuşysy Jadyra Baidaly qymyzdan balmūzdaq jasap, tabiǧi önımderdıŋ qataryn molaitty, dep habarlaidy "Adyrna" ūlttyq portaly zakon.kz-ke sılteme körsete otyryp.
Boijetkennıŋ sözınşe onyŋ basty maqsaty – ūlttyq balmūzdaqtyŋ biologiialyq qūndylyqtarǧa bai jäne adam aǧzasyna paidaly ekenın däleldeu. Bie sütınen jasalǧan balmūzdaq basqalarǧa ūqsamai otta pısedı, qūramy özgermeidı, tabiǧi taza önım retınde paidalanylady.
"Bızdıŋ naryqta ūlttyq jäne paidaly qymyzdan jasalǧan önım türlerı jetıspeidı. Balmūzdaq jastardyŋ da, balalardyŋ da köŋılınen şyǧady. Ol bioönımderdı paidalanu arqyly halqymyzdyŋ densaulyǧyna oŋ äser etedı", - dedı Jadyra Baidaly.Önertapqyştyŋ habarlauynşa, susynnyŋ qūramy tabiǧi immundyq qasietı bar därumenderge bai jäne adam densaulyǧyna paidaly tüiırşıktı aquyzdar mol. Mūnymen qosa, jas oqytuşy Jadyra Baidaly saumal qosyp jasalǧan sabyn şyǧarudy qolǧa alǧan. Özı mūndai sabynnyŋ adam densaulyǧyna emdık qasietı bar ekendıgın aityp otyr. Oraiy kelgende aita keteiık, Abai atyndaǧy Qazaq ūlttyq pedagogikalyq universitetınıŋ dosentı Güliia Älihanqyzy qymyzdy halyqaralyq naryqqa şyǧaryp, älemge tanytu üşın jaŋa tehnologiialardy qoldanyp, ūntaq türınde de şyǧaru kerek ekendıgın aitqan edı. Ǧalymnyŋ paiymdauynşa, būl jaǧynan Germaniia bızden köş ılgerı tūr. Olar qazır qymyzdyŋ ūntaǧyn ǧana emes, tabletka türın de jasap şyǧaryp jatyr. Sonymen qatar, mezgil.kz portalynyŋ jazuynşa, nemıs käsıpkerı Gans Solmannyŋ osydan ekı jyl būryn qymyzdyŋ därumenderge bai ekenın eskerıp, qymyz sözın «Kumylak» dep almastyryp, patenttep alǧan. Qazaqtyŋ jaby tūqymdy jylqylaryn ösırıp, odan önım alyp otyrǧan Gans Solman saumaldyŋ qūrǧaq türın jasai alatynyn da jasyrmaǧan bolatyn. Şeteldıkter qymyzdan balmūzdaq jasap, kosmetikalyq tauarlar öndıruge kırısken. Al qytailar qymyzdyŋ köp auruǧa em ekenın zerttep, därıler öndıruge bet būrǧany aitylady.
"Adyrna" ūlttyq portaly
Ūqsas jaŋalyqtar
