Mońǵolııada dúnıejúzi qazaqtarynyń IV kishi quryltaıy ótip jatyr

1993
Adyrna.kz Telegram

Mońǵolııanyń Ulan-Batyr, Hobda, Baıan-Ólgeı aımaqtarynda Mońǵolııa qazaqtarynyń kishi Quryltaıy ótip jatyr. 4-10 shilde aralyǵyna josparlanǵan aıtýly is-sharaǵa Qazaqstan Syrtqy ister mınıstrligine qarasty «Otandastar qorynyń» uıytqy bolǵan. Merekeli bosqosýǵa qaıratkerler, saıasatkerler, aqyn-jazýshylar, ǵalymdar men kásipkerler qatysyp jatyr, dep habarlaıdy "Adyrna" ulttyq portaly. 

Quryltaı maqsaty – shettegi qandastardyń túıtkildi máselesin anyqtap, ulttyq qundylyqtardy dáripteý.

Quryltaıǵa «Otandastar qorynyń» prezıdenti Abzal Saparbekuly, Qazaqstan Parlamenti Májilisiniń depýtattary, dıplomatııa ardagerleri, zııaly qaýym ókilderi men qoǵam qaıratkerleri qatysýda.

«Otandastar qorynyń» prezıdenti Abzal Saparbekuly shettegi qazaqtardyń basyn qosqan jıynda:

- Álemniń qaı túkpirinde bolsyn qazaqty qazaq etip turǵan – ana tili, ata dástúri jáne keń peıili men baýyrmaldyǵy. Biz osy qasıetimizden aınymaýymyz kerek. «Bar qazaq – bir qazaq» bolyp tutasyp, birlikte bolsaq, shyǵar bıigimiz kóp bolady, - dedi.

Mońǵolııa qazaqtarynyń kishi Quryltaıy Ulan-Batyrdan bastaldy. Bıylǵy 4 shildede qazaqstandyq delegaııa Mońǵolııa astanasy Ulan-Batyrdyń  5 myńnan astam qazaq turatyn Nalaıh aýdanyna bardy. Aýdan ákimi Ch.Radnaabazar jáne máslıhat depýtattarymen kezdesti,

Kezdesý barysynda Qor basshysy Abzal Saparbekuly Mońǵolııadaǵy jáne Qazaqstanǵa kóship kelgen qandastarymyz Mońǵolııa memleketiniń qamqorlyǵyn erekshe yqylas-rızashylyqpen eske alatynyn jáne bul shyn júrekten shyqqan sóz ekenin atap ótti. Sózin jalǵastyra kele, Qoǵam basshysy Mońǵolııa qazaqtarynyń kishi quryltaıy aıasynda josparlanǵan is-sharalar týraly aıtyp ótti.

Óz kezeginde, Májilis depýtattary Únzıla Shapaq, Nurgúl Taý jáne Jarqynbek Amantaı Mońǵolııa eliniń týmalary retinde Mońǵolııaǵa kelgenderine qýanyshty ekenin jáne parlamentaralyq baılanystarǵa óz úlesterin qosýǵa daıyn ekenderine senim bildirdi.

Málim etilgendeı, quryltaı aıasynda Reseıdegi qandastarmen de júzdesý josparlanǵan.

Máselen, 8-9 shildede Reseı Federaııasynyń Altaı Respýblıkasyndaǵy qazaqtar mekendeıtin Qosaǵash aýdanynda jáne Altaı ólkesi ortalyǵy Barnaýldaǵy qandastarmen kezdesý ótip, rýhanı kesh uıymdastyrylady.

"Adyrna" ulttyq portaly

Pikirler