Atyrau oblysynda Eraly su qoimasynan qyrylǧan balyqtyŋ 17 kelı öleksesı şyǧaryldy, dep habarlaidy "Adyrna" ūlttyq portaly QazAqparat-qa sılteme körsete otyryp.
Qyzylqoǧa audandyq äkımdıgınıŋ mälımetınşe, 7 şıldede Eraly su qoimasynyŋ maŋyndaǧy Meŋdıbai uchaskesınde aqbalyq qyrylǧan.
«Oqiǧa ornyna Oiyl auyldyq okrugınıŋ äkımı men 6 erıktı baryp, jaǧdaidy anyqtady. Olar jergılıktı uaqytpen saǧat 12:00-19:00 aralyǧynda su qoimasyn ölgen balyqtan tazalau jūmystaryn jürgızdı. Eraly su koimasynyŋ Meŋdıbai uchaskesınen 17 kelı şamasynda ölgen balyq süzılıp alynyp, arnaiy orynǧa kömıldı», - dep habarlady audandyq äkımdıkten.
Al, bügın, 8 şıldede jergılıktı atqaruşy organ qyzmetkerlerı Meŋdıbai uchaskesınde
qosymşa anyqtau jūmystaryn jürgızdı. Su qoimasynyŋ basqa uchaskelerınen balyqtyŋ ölu deregı anyqtalǧan joq.
«Su qoimasynan qyrylǧan balyq öleksesın jinauǧa atsalysqan erıktılerdıŋ aituyna qaraǧanda, aqbalyqtar eşqandai aurudan nemese basqa sebepten qyrylmaǧan. Ölgen şabaqtarda ärtürlı jaraqat ızı bar. Sol sebepten, zaŋsyz balyq aulauşylar aulanǧan balyqtardy su qoimasyna kerı laqtyryp ketuı mümkın degen boljam jasalyp otyr», - dep mälım ettı audandyq äkımdıkten.
Balyqtyŋ qyrylǧany jönınde oblystyq balyq şaruaşylyǧy basqarmasyna habarlanǧan. Bügın, 8 şıldede oblystyq basqarmanyŋ mamandary Qyzylqoǧa audanyna jıberılgen edı.
Ūqsas jaŋalyqtar
"Adyrna" ūlttyq portaly
