Ózbekbasy da týra Nazarbaev salǵan sara jolmen ketti.
Búkil otbasy memleketti menshiktep aldy dese de bolady. Mırzıeevtiń eki ápkesi men bir aǵasy bar. Olar memlekettik ekonomıkanyń qurylys jáne gaz sektory sııaqty strategııalyq mańyzdy salalaryndaǵy kompanııalarǵa ıelik etedi. Eldegi saýda sattyq, bazar, aýylsharýashylyq salalary prezıdenttiń ápkeleri men jezdeleriniń bıznesi.
Prezıdenttiń jubaıy Zıroathon Hoshımova eldegi densaýlyq saqtaý salasy men farmaevtıkany jekeshelendirip alǵan dese de bolady.
Úlken qyzy Saıda Mırzıeeva prezıdent ákimshiliginiń kommýnıkaııa sektorynyń meńgerýshisi.
Kishi qyzy Shahnoz Mırzıeeva Ulttyq áleýmettik qamsyzdandyrý agenttigi dırektorynyń birinshi orynbasary.
Eki qyzdyń da kúıeýleri eldegi eń bedeldi ári memlekettik qurylymdarǵa yqpal etetin bıznesmender.
Al, áýlettiń qudalary Truck And Bus Trade Group jáne Turon Avto, UzAuto Motors, BMB Trade Group sııaqty Ózbekstandaǵy alpaýyt zaýyttardy basqarady. Djızah pen Syrdarııa oblystaryndaǵy myńdaǵan gektar qunarly jerler de osy quıryq baýyr asasqan týystardyń enshisinde.
Mırzıeevtiń jıen kúıeýbalalary bas prokýratýra men qaýipsizdik salasyna basshylyq jasaıdy.
Shavkat Mırzıeevtiń qaıynjurty da osal emes. Hoshımovanyń týystaryna tıesili Tashkenttegi meıramhanalar, sulýlyq salondary men sándi sán úıleri, First Premium Alliance, Asia Luxe Travel kompanııasy, «Romıteks» fabrıkasy, Qoqan bıohım spırt zaýyty, «Uzbekistan Airways» memlekettik avıakompanııasy az dúnıe emes.
Mynaý ózbek basshysynyń týystarynyń el biletin menshikteri. Jurttan jasyrǵandary qanshama?
Mırzıeev óziniń aldyndaǵy memleket basshysy, óziniń ustazy Islam Karımovtyń otbasynan sabaq almaǵan eken.
