Reseilıkterdıŋ 70 paiyzy Stalinnıŋ tarihtaǧy rölıne oŋ baǧa beredı. "Levada-sentr" ortalyǧy jürgızgen saualnamaǧa säikes, jauap bergen azamattardyŋ teŋ jartysyna juyǧy Stalin repressiiasyn aqtauǧa daiyn.
2019 jyly nauryzda ortalyq jürgızgen saualnamaǧa qatysqan ärbır ekınşı adam (51 paiyz) Stalinge süisınetının ne qūrmetpen qaraitynyn aitqan. "Atyn estıgende tıtırkenemın", "qorqamyn" ne "jierkenemın" dep Stalinge negativtı qaraityndar sany üş ese az - 14 paiyz.
Saualnamaǧa qatysqandardyŋ 19 paiyzy Stalinnıŋ Resei tarihyndaǧy rölıne terıs baǧa bergen.
Stalin men onyŋ tarihtaǧy rölıne oŋ baǧa beretınder arasynda Resei kommunistık partiiasyn jaqtaityndar ǧana emes, prezident sailauynda Vladimir Putin men Vladimir Jirinovskiige dauys bergender de bar. Äleumettanuşylar sözınşe, barlyq jas sanaty boiynşa Stalinge oŋ baǧa beretınder basym tüsken.
Saualnama qorytyndysy boiynşa, "Stalin tūsynda azamattardyŋ repressiiaǧa ūşyrauyn aqtauǧa bolmaidy" degen oidy reseilıkterdıŋ 45 paiyzy qoldaidy. 2008 jyly būl körsetkış 60 paiyz edı.
2017 jyly "Levada-sentr" soŋǧy 27 jylda Stalinge oŋ qaraityn adamdar sany üş ese artqanyn habarlaǧan.
2019 jyly SSSR-da jappai qyryp-joiu repressiiasynyŋ bastalǧanyna 82 jyl tolady. Qazaqstan da odan tys qalmady. Zertteuşılerdıŋ aituynşa, sovet bilıgı kezınde Qazaq SSR-ınde 3,5 million adam repressiiaǧa ūşyraǧan. Tūtqyndau men atu jazasynyŋ basym köbı bilıkte İosif Stalin otyrǧan kezde boldy.
"Azattyq" radiosy
