QR Prezidentı Qasym-Jomart Toqaev Ükımetke qazaq-qyrǧyz şekarasynda bolyp jatqan qolaisyz jaǧdaidy retteudı tapsyrdy, dep habarlaidy "Adyrna" ūlttyq portaly.
Aqordanyŋ Telegram arnasynda jaryq körgen 26 tamyzyndaǧy habarlamada:
"Memleket basşysy Qasym-Jomart Toqaev Ükımetke qazaq-qyrǧyz şekarasyndaǧy jaǧdaidy ekı el arasynda qalyptasqan serıktestık jäne bauyrlastyq qarym-qatynas aiasynda retteudı tapsyrdy", delıngen.
Osy aptanyŋ basynda Qazaqstan men Qyrǧyzstan şekarasynda 370 jük kölıgı kezek kütıp tūrǧany belgılı boldy. 22 tamyzda Qarjy ministrı Erūlan Jamaubaev öz ministrlıgıne kommersiialyq jükterge qatysty öz ministrlıgıne
eşqandai tapsyrma jüktelmegenın mälımdedı. Öz kezegınde QR Ūlttyq qauıpsızdık komitetı qazaq-qyrǧyz şekara uchaskesı ştattyq rejimde jūmys ıstep jatqanyn naqtylady.
24 tamyzda Euraziialyq ekonomikalyq komissiianyŋ monitoring toby qazaq-qyrǧyz şekarasynda bolyp, qyrǧyz halyqaralyq tasymaldauşylarynyŋ avtojol ötkızu beketınıŋ qyzmetımen tanysty.
Oraiy kelgende aita keteiık, biylǧy quaŋşylyq saldarynan bır özennen su ışken qos eldıŋ tūrǧyndary düdämal küige küstı. Körşı eldıŋ bilıgı Qyrǧyzstannyŋ özınde su qalmasa da, şarttyŋ bır bölıgın oryndadyq dep mälımdedı. Sonymen qatar, su tapşylyǧyn tanytqan qyrǧyzstandyq azamattyŋ videosy äleumettık jelıde tarady.
Ūqsas jaŋalyqtar
"Adyrna" ūlttyq portaly
