«Adyrna» ūlttyq-etnografiialyq bırlestıgı» qoǧamdyq qory QR Aqparat jäne qoǧamdyq damu ministrlıgı qoldauymen «Azamattyq bastamalardy qoldau ortalyǧy» KEAQ memlekettık grant aiasynda «Dästürlı ruhani qūndylyqtardy qoldau jönındegı jūmystardy ūiymdastyru» atty äleumettık jobany jüzege asyruǧa kırısıp ketkelı bır aidyŋ jüzı boldy.
Jobanyŋ basty maqsaty – ūlttyq qūndylyqtarymyzdy ūlyqtau, töl tarihymyz ben özımızge ǧana tän erekşelıkterımızdı eldıŋ tūtqasy sanalatyn jastardyŋ boiyna sıŋıruge üles qosu, olardyŋ boiyndaǧy otansüigıştık qasietterdı arttyruǧa sebepker bolu desek artyq aitpaspyz.
Qazaq elınıŋ tūŋǧyş prezidentı N. Ä. Nazarbaev «Bolaşaqqa baǧdar: ruhani jaŋǧyru» atty bır jyl būrynǧy baǧdarlamalyq maqalasynda «Eger jaŋǧyru eldıŋ ūlttyq-ruhani tamyrynan när ala almasa, ol adasuǧa bastaidy» dep şegelep aitqan edı. Sondyqtan da qoǧamdaǧy ärbır adam ūrpaq tärbiesı men otbasy qūndylyqtary mäselesın ärdaiym basşylyqta ūstap, jadynan bır sätke de şyǧarmasa eken deisıŋ... Ūlttyq tūtastyqty saqtau, ūlttyq mädeniettı damytu, jahandanuda jalpy aǧymǧa ılesıp ketpeu mädeniettı saqtauǧa tıkelei bailanysty. Mädeniet bızde bar, bolǧan jäne bola beredı de. Qazaq mädenietı jer betınde qazaq degen ūlt barda jasai beretını aqiqat. Tek, dästürlı ūlttyq qūndylyqtarymyzdy ūmytpai, ūmytuǧa jol bermei, nasihattai beruımız kerek. Jahandanudyŋ jan-jaqty äserlerıne şekteu qoiyp, ūlttyŋ özegı sanalatyn otbasylyq qūndylyqtardyŋ ozyq ülgılerın saqtap, qoldanu aiasyn odan saiyn keŋeitıp otyruymyz qajet. Sondyqtan «Dästürlı ruhani qūndylyqtardy qoldau jönındegı jūmystardy ūiymdastyru» jobasynyŋ bererı mol dep ümıttenemız. Bolaşaqqa nyq qadam basu üşın ötkenıŋdı ūmytpau kerek! Sebebı, ūlttyq tamyrdan ajyrau jaqsylyq äkelmeitını sözsız. Tereŋde jatqan ūlttyq tamyrdan ajyramau üşın sız-bız bolyp, ortaq müdde üşın atsalysuymyz kerek-aq!
"Adyrna" ūlttyq-etnografiialyq bırlestıgı
