Aqtöbede alaiaqtar 10 jasar qyzdy qūryqqa tüsırdı, dep habarlaidy "Adyrna"ūlttyq portaly.
Belgısız äiel üi telefonyna qoŋyrau şalyp, kışkene büldırşınge jan türşıgerlık oqiǧany baiandaǧan. "Ötırıktı şyndai, aqsaqty tyŋdai" aitqan alaiaq qyzǧa anasynyŋ jol-kölık oqiǧasyn jasaǧanyn, aqyrynda jaiau jürgınşını qaǧyp ketkenın jetkızgen. Anasyn jauapkerşılıkten qūtqaru üşın köp aqşa qajet ekenın aitqan.
Özın tergeuşı retınde tanystyrǧan äiel, tıptı, telefondy qyzdyŋ anasyna bergendei keiıp tanytqan.
"Anasy" jylaǧan dauyspen baladan üidegı barlyq jinaq aqşany berıp jıberudı ötıngen. Būdan ärı alaiaq 10 jasar qyzǧa 700 myŋ teŋge kölemındegı aqşa salynǧan pakettı özınıŋ sybailasyna qalai beru kerektıgın aitqan.
Anasynyŋ qiyndyqqa tap bolǧanyna senıp, şoşyp qalǧan bala aqşany olar aitqan nūsqau boiynşa berıp jıbergen. Anasy üige kelgennen keiın ǧana balanyŋ alaiaqtarǧa aldanǧany belgılı bolǧan. Polisiia qyzmetkerlerı jedel-ızdestıru ıs-şaralary barysynda 23 jastaǧy küdıktını ūstady.
Jalǧan söilegen tūrǧyn öz kınäsın moiyndady. Özı äleumettık jelı arqyly belgısız adammen kezdeskenın aitty. Kezdesken adamy jalǧan söilegen küdıktıge qyzmet ūsynǧan. Qyzmetke tūru üşın jäbırlenuşıden aqşa alyp, barlyq somany körsetılgen "jūmys beruşınıŋ" şotyna audarudy közdegen.
Osy faktı boiynşa QR QK-nıŋ 190-baby 1-bölıgı (Alaiaqtyq) boiynşa sotqa deiıngı tergeu bastaldy.
Oraiy kelgende aita keteiık, öŋırde alaiaqtyqtyŋ qūrbany bolyp, polisiiaǧa jügıngender sany artyp barady.
Alaiaqtar jäbırlenuşılerge tuystary apatqa ūşyraǧanyn aityp qoŋyrau şalyp, zardap şeguşılerdı emdeu nemese qylmystyq ıstı toqtatu üşın qajet degen syltaumen aqşa talap etedı. Polisiia qyzmetkerlerı mūndai qoŋyraularǧa senbes būryn, anyq-qanyǧyna köz jetkızu kerek ekenın eske salady.
"Adyrna" ūlttyq portaly
Ūqsas jaŋalyqtar
