Özbekstan ükımetınıŋ 25 qyrküiekte qabyldaǧan qaulysyna säikes, «Dıni toleranttyq» tösbelgısımen marapattau tärtıbı bekıtıldı. Būl turaly ädılet ministrlıgınıŋ baspasöz qyzmetı habarlady, dep jazady "Adyrna" portaly. Tolyǧyraq "Azattyq" materialynda aityldy.
Mälımetke qaraǧanda, mūndai tösbelgı memlekettık jäne qoǧamdyq ūiym qyzmetkerlerıne, dıntanuşylarǧa, halyqaralyq ūiymdar, dipkorpus ökılderıne, ǧalymdarǧa dınaralyq kelısımge üles qosqany üşın tabystalady.
Tösbelgını şetel azamattary men azamattyǧy joqtar da ala alady. Belgı 16 qaraşa – Halyqaralyq toleranttyq künı tapsyrylady.
Tösbelgıden bölek, marapattalǧan adamdarǧa 1,32 mln som nemese 100 dollardan astam aqşalai syiaqy berıledı.
Halyqaralyq ūiymdar Özbekstanda dıni erkındık
joq ekenın jiı aityp jür. Mysaly, 2019 jyly AQŞ memlekettık departamentı Özbekstandy dıni senım bostandyǧyn būzatyn elder qataryna qosqan.
Onyŋ aldynda 2018 jyly osy ūiym Özbekstandy "dın erkındıgı salasynda edäuır ılgerıledı" dep mälımdep, Özbekstandy joǧaryda atalǧan tızımnen alyp tastaǧan edı.
Al osy künderı Taşkentte saqal qoiǧan er azamattar men hidjab kigen äielderdı ūstap jatyr. Mūnyŋ aldynda özbek qalalarynda azan dausyn bäseŋdetudı talap etken.
Azattyqtyŋ Özbek qyzmetı derekközderınıŋ mälımetınşe, ükımettıŋ 10 qyrküiektegı jinalysynda premer-ministr şeneunıkterge meşıtke barmaudy «eskertken».
