Áleýmettik jelide dintanýshy Qabylbek Álipbaıulynyń «balasyn tastap ketken áıeldi «sheshe» dep ataıdy» dep aıtqan sózine qatysty Qazaqstan musylmandary dinı basqarmasynyń tóraǵasy Naýryzbaı qajy Taǵanuly bul QMDB pikiri emes ekenin málimdedi, dep habarlaıdy «Adyrna» ulttyq portaly.
«Bul azamattyń aıtqan sózi jeke óziniń oıy bolar. Biraq biz sheshe men anany qadir tutqan, qasıet tutqan jandarmyz. Ony keńinen nasıhattap kele jatyrmyz. Bir adamnyń pikiri ol múftııattyń pikiri emes. Osyny aıqyn bilip alýymyz kerek. QMDB ákege qatysty, anaǵa qatysty kóptegen ýaǵyz aıtyp júr. Qazaqtyń kez kelgen qundylyǵy biz úshin qasıet sanalady. Sheshe de, ana da bir uǵym. Sheshe de, ana da adamdy dúnıege ákelgen eń ardaqtysy. Biz ony árqashan qurmetteımiz» - dedi Naýryzbaı qajy Taǵanuly.
Bas múftıdiń sózinshe, Qabylbek Álipbaıuly respýblıkalyq aqparattyq nasıhat tobynyń múshesi.
«Biz jaqynda ǵana respýblıkalyq jáne jergilikti aqparattyq nasıhat tobynyń tujyrymdamalyq qujatyn ázirlep, olardyń qoldaryna berdik. Ýaǵyz barysynda, halyqqa dáris ótkizý barysynda nege kóńil bólnýi kerek? Qujatta jazylǵan. Qabylbek ustaz qazirgi tańda RANT múshesi bolyp esepteledi. Biraq qazir saparda júr. Ol azamatqa qatysty sheshimder qabyldanady» - dedi Bas múftı.
«Adyrna» ulttyq portaly
