Äleumettık jelıde dıntanuşy Qabylbek Älıpbaiūlynyŋ «balasyn tastap ketken äieldı «şeşe» dep ataidy» dep aitqan sözıne qatysty Qazaqstan mūsylmandary dıni basqarmasynyŋ töraǧasy Nauryzbai qajy Taǧanūly būl QMDB pıkırı emes ekenın mälımdedı, dep habarlaidy «Adyrna» ūlttyq portaly.
«Būl azamattyŋ aitqan sözı jeke özınıŋ oiy bolar. Bıraq bız şeşe men anany qadır tūtqan, qasiet tūtqan jandarmyz. Ony keŋınen nasihattap kele jatyrmyz. Bır adamnyŋ pıkırı ol müftiiattyŋ pıkırı emes. Osyny aiqyn bılıp aluymyz kerek. QMDB äkege qatysty, anaǧa qatysty köptegen uaǧyz aityp jür. Qazaqtyŋ kez kelgen qūndylyǧy bız üşın qasiet sanalady. Şeşe de, ana da bır ūǧym. Şeşe de, ana da adamdy düniege äkelgen eŋ ardaqtysy. Bız ony ärqaşan qūrmetteimız» - dedı Nauryzbai qajy Taǧanūly.
Bas müftidıŋ sözınşe, Qabylbek Älıpbaiūly respublikalyq aqparattyq nasihat tobynyŋ müşesı.
«Bız jaqynda ǧana respublikalyq jäne jergılıktı aqparattyq nasihat tobynyŋ tūjyrymdamalyq qūjatyn äzırlep, olardyŋ qoldaryna berdık. Uaǧyz barysynda, halyqqa därıs ötkızu barysynda nege köŋıl bölnuı kerek? Qūjatta jazylǧan. Qabylbek ūstaz qazırgı taŋda RANT müşesı bolyp esepteledı. Bıraq qazır saparda jür. Ol azamatqa qatysty şeşımder qabyldanady» - dedı Bas müfti.
«Adyrna» ūlttyq portaly
Ūqsas jaŋalyqtar
