Depýtat Maqsat Tolyqbaı Májilis otyrysynda elimizdegi temirjol tasymalynyń sapasy jaıly sóz qozǵap, Kólik mınıstri Marat Kárimjanulyna saýal joldady, dep jazady “Adyrna” ulttyq portaly.
Óz kezeginde Maqsat Tooyqbaı qazirgi tańdaǵy temirjol tasymaly, poıyz bıletteri, poıyz kólikteriniń sapasy jaıly barlyq máselelerdi tizip berdi.
"Meniń suraǵym Kólik mınıstri Marat Kárimjanulyna! Temirjolda qashan tártip ornaıdy? 30 jyldyń ishinde temirjoldy tabys kózine ǵana aınaldyrǵan burynǵy basshylardyń tek qarjy tabýmen ǵana aınalysqanyn biz jaqsy bilemiz. Sol eski Qazaqstan ókilderi sólin soryp, bizge tek qańqasyn qaldyrdy.
Aıta aıta jaq taldy. Jyldaǵy jyr. Sapa nól. Sábet zamanynan qalǵan eski vagondar súıretilip áli júr.
Temirjol parkiniń 60 paıyzynyń toz-tozy shyqqan. Mınıstrlik 2030 da jarylqaımyz deýden jalyqpaıdy. Biraq, QTJ ǵa báribir. Óıtkeni, shekeleri shylqyp júrgen menedjerlerge Qazaqstan Temirjolynyń quny kók tıyn. 26 jylda jaryltpaǵan salany, endi jeti jylda jarylqaıdy degenge jan balasy senbeıdi. Óıtkeni, aıtatyndary ańyz, ertegi..
2030 ǵa deıin qalǵan vagondary 80 paıyzǵa tozyp, eki qoldy murynǵa tyǵyp otyrmasymyzǵa kepildik bar ma mınıstr myrza?
Terezesi ashylmaıtyn, kondııoneri istemeıtin, qabyrǵasynda taraqandar júretin eski vagondardyń ózine jaz mezgilinde bılet tappaısyń. Baǵasy ol qymbat.
Sóıte tura biz bıletti sýbsıdııalaýǵa jyl saıyn sytyrlatyp mıllıardtardy sanap beremiz. Poıyzdardyń jıi keshigetinin aıtpaı-aq qoıaıyn. Sapardaǵy jolaýshylar úshin poıyzdyń 1-2 saǵatqa kesteden keshigýi úırenshikti jaıt bolyp qalǵan. Sóıte tura týrızmdi túletemiz deımiz. Bizge týrıstik marshrýttarǵa arnalǵan strategııalyq jospar qajet. Toq eteri mynaý!
Eski Qazaqstannyń murasy bop qalǵan temirjol máselesin qashan sheshesizder? 26 jyl kúttik. Áli qansha kútemiz? Zamanaýı vagondarǵa kezeksiz, tıimdi baǵada minetin kún týa ma qazaqqa?" delindi depýtattyq saýalda.
Posmotret etý pýblıkaııý v Instagram
