Qazaqstan bilıgı aktivterdı qaitaru turaly aqparatqa qol jetkızudı şektedı, dep habarlaidy «Adyrna» ūlttyq portaly.
«Qazaqstan Respublikasy Premer-Ministrı Älihan Smaiylovtyŋ töraǧalyǧymen Zaŋsyz iemdenılgen aktivterdı memleketke qaitaru mäselelerı jönındegı komissiianyŋ kezektı otyrysy öttı. Qorytyndysy boiynşa «Zaŋsyz iemdenılgen aktivterdı memleketke qaitaru turaly» Zaŋymen belgılengen ölşemşarttaryna säikes keletın bırqatar oligopoliia subektılerın Tızılımge engızu turaly şeşım qabyldandy.İnvestisiialyq, bedeldı, äleumettık-ekonomikalyq täuekelder men faktorlardy eskere otyryp, Tızılımnıŋ mazmūnyn Komissiia taraluy şekteulı aqparatqa jatqyzdy», - dep jūma künı Bas prokuraturanyŋ baspasöz qyzmetı habarlady.Bas prokuraturanyŋ Aktivterın qaitaru jönındegı komitetıne subektılerdı olardyŋ Tızılımge engızılgenı turaly habardar etu jönınde şaralar qabyldau körsetılgen.
«Tızılımge engızılgen tūlǧalar özderıne tiesılı aktivterdı ielıkten şyǧaru, auyrtpalyq salu nemese senımgerlık basqaruǧa beru turaly Komitettı aldyn ala habardar etuge mındettı. Komitet aktivterdı zaŋsyz şyǧaru shemalaryna tartylǧan tūlǧalardy, olardyŋ ornalasqan jerın, qūnyn, sondai-aq satyp alu belgılerı men közderın anyqtau maqsatynda aqparatty monitoringıleu jäne taldau boiynşa jūmysty jalǧastyruda», - dep tolyqtyrdy vedomstvo.
«Adyrna» ūlttyq portaly
Ūqsas jaŋalyqtar
