Qazaqstan bıligi aktıvterdi qaıtarý týraly aqparatqa qol jetkizýdi shektedi, dep habarlaıdy «Adyrna» ulttyq portaly.
«Qazaqstan Respýblıkasy Premer-Mınıstri Álıhan Smaıylovtyń tóraǵalyǵymen Zańsyz ıemdenilgen aktıvterdi memleketke qaıtarý máseleleri jónindegi komıssııanyń kezekti otyrysy ótti. Qorytyndysy boıynsha «Zańsyz ıemdenilgen aktıvterdi memleketke qaıtarý týraly» Zańymen belgilengen ólshemsharttaryna sáıkes keletin birqatar olıgopolııa sýbektilerin Tizilimge engizý týraly sheshim qabyldandy.Investıııalyq, bedeldi, áleýmettik-ekonomıkalyq táýekelder men faktorlardy eskere otyryp, Tizilimniń mazmunyn Komıssııa taralýy shekteýli aqparatqa jatqyzdy», - dep juma kúni Bas prokýratýranyń baspasóz qyzmeti habarlady.
Bas prokýratýranyń Aktıvterin qaıtarý jónindegi komıtetine sýbektilerdi olardyń Tizilimge engizilgeni týraly habardar etý jóninde sharalar qabyldaý kórsetilgen.
«Tizilimge engizilgen tulǵalar ózderine tıesili aktıvterdi ıelikten shyǵarý, aýyrtpalyq salý nemese senimgerlik basqarýǵa berý týraly Komıtetti aldyn ala habardar etýge mindetti. Komıtet aktıvterdi zańsyz shyǵarý shemalaryna tartylǵan tulǵalardy, olardyń ornalasqan jerin, qunyn, sondaı-aq satyp alý belgileri men kózderin anyqtaý maqsatynda aqparatty monıtorıngileý jáne taldaý boıynsha jumysty jalǵastyrýda», - dep tolyqtyrdy vedomstvo.
«Adyrna» ulttyq portaly
