Almaty köşelerınde zigzag tärızdı jaŋa jol belgısı paida boldy. Būl turaly Almaty qalasy äkımdıgınıŋ baspasöz qyzmetı mälımdedı, dep habarlaidy «Adyrna» ūlttyq portaly.
Baspasöz mälımetınşe, erekşe irek syzyq Tılendiev köşesınde paida boldy. Jaiau jürgınşıler jolaǧynyŋ aldyndaǧy irek taŋba şetelde bolǧan jürgızuşılerge tanys boluy mümkın. Syrt pışını közge üirenşıktı bölu jolaqtarynan özgeşe. Ol jolaqtyŋ tarylǧanyn körsetıp, jaiau jürgınşıler ötkelıne jaqyndap qaldy degendı eskertedı. Jol erejesınde būl turaly ne jazylǧan? Sary zigzag äzırge synaq rejimınde Tılendiev köşesınıŋ Abaidan Töle bige deiıngı bölıgıne syzǧan. Sol sebeptı Jol erejesınde būl belgı turaly mälımet te, onyŋ sipattamasy da joq. Özge elde būl syzyqty da kesıp ötuge tyiym salynǧan. Iаǧni būl jerde ekınşı kölıktı basyp ozuǧa nemese jaiau jürgınşını qaǧyp ketudıŋ aldyn alu üşın ekınşı syzyqqa auysuǧa bolmaidy. Qazaqstanda resmi küşıne enbegendıkten, būl taŋbany basyp ötken jürgızuşıler aiyppūl tölemeidı. Eger belgı kölık apatynyŋ azaiuyna äser etse, ony erejege engızıp, qala jäne el aumaǧynda qoldanady. Dese de synaqtan ötıp jatqan aimaqta qanşa jaiau jürgınşını kölık qaqqany turaly statistikalyq mälımet joq. Aita keteiık, älemdegı köp memlekette būl taŋbany qoldanu onyŋ tiımdı ekenın körsettı. Būlar kei jerde jol belgısınen artyq. Bıraq belgı men taŋbadan bölek jaiau jürgınşıler qatysqan apatty azaitu üşın täulık boiy ötkel men ondaǧy adamdardyŋ körınuın jaqsartu kerek. Joldaǧy taŋba kei tūsta belgıden de anyq körınıp tūrǧany abzal. Sonda jürgızuşı jyldamdyqty azaityp, kenet adam şyǧyp qalsa daiyn bolady.«Adyrna» ūlttyq portaly
Ūqsas jaŋalyqtar
