Astanadaǵy tuńǵysh prezıdenttiń atyna berilgen Nazarbaev kitaphanasy endi ortalyq retinde jumys isteıdi. Bul týraly Qazaqstan Respýblıkasy Prezıdentiniń is basqarmasy málimdedi, dep habarlaıdy “Adyrna” ulttyq portaly.
Memlekettiń alǵashqy tulǵalarynyń tarıhı murasyn saqtaý — álemdik tájirıbe. Atalǵan dástúr prezıdent ortalyqtary men kitaphanalardyń qyzmetinde kórinis tapty. Tarıhı-memorıaldy mekemeler AQSh, Franııa, Túrkııa, Qytaı, Malaızııa, Ázerbaıjan jáne álemniń basqa elderinde bar. Olar muraǵat, kitaphana jáne murajaı fýnkııasyn biriktire otyryp, ult kóshbasshylarynyń qyzmetine qatysty qundy derekterdi, kitap, kıim artefaktilerin saqtaıdy, delingen habarlamada.
QR Prezıdenti is basqarmasy AQSh-tyń tájirıbesin keltire otyra, 1955 jylǵy Prezıdenttik kitaphanalar týraly zańǵa sáıkes amerıkalyq prezıdentterdiń murasyn saqtaý mıssııasyn júzege asyratyn 15 mekeme jumys isteıtinin aıtty.
Eń tanymaly — Nıý-Iorktegi Franklın Rýzvelt, Bostondaǵy Djon Kennedı, Kalıfornııadaǵy Ronald Reıgan kitaphanalary.
Jalpy álemdik dástúrge súıene otyryp elimizde QR Tuńǵysh Prezıdenti kitaphanasynyń bazasynda Táýelsiz Qazaqstan kóshbasshylarynyń tarıhı murasyn saqtaýmen, zerdeleýmen jáne ilgeriletýmen aınalysýǵa arnalǵan Prezıdenttik ortalyq quryldy. Onda Qazaqstan prezıdenttigi ınstıtýtyna qatysy bar jádigerler ortalyqtandyrylǵan túrde saqtalady. Jańadan qurylǵan ortalyqqa eks-prezıdent Nursultan Nazarbaevtyń jeke muraǵaty men jeke kitaphanasynyń materıaldary, sondaı-aq buryn tuńǵysh Prezıdent kitaphanasynda saqtalǵan murajaı eksponattarynyń jınaǵy berildi. Búgingi tańda qorda 150 myńnan astam muraǵat qujattary, 40 myń kitap jáne 12 myń murajaı zattary bar, — deıdi basqarmadan.
Resmı aqparatta aıtylǵandaı, bolashaqta jańa ortalyqqa tarıhı-mádenı qundylyǵy bar jeke qujattar men qazirgi Prezıdenttiń kerek-jaraqtary da beriledi. Aldaǵy ýaqytta Qazaqstannyń kelesi prezıdentteriniń qyzmeti týraly tıisti materıaldar jınaqtalady.
Odan bólek, ortalyqta Qazaqstan kóshbasshylarynyń qujattarymen qatar táýelsizdik tarıhyna qatysty materıaldardy jınaý, júıeleý jáne zerdeleý josparlanýda.
Sondaı-aq, Qazaqstannyń qazirgi saıası tarıhyna arnalǵan iri tarıhı-memorıaldy, ǵylymı jáne mádenı-aǵartý ortalyǵyna aınalýdy maqsat etýde.
Basqarmanyń málimetine súıensek, Prezıdent ortalyǵynyń kitaphanasy da qyzyǵýshylyq týǵyzady, onda prezıdenttik ınstıtýt, memlekettik qurylystyń teorııasy men praktıkasy, Qazaqstan men Ortalyq Azııa elderiniń memlekettilik tarıhy boıynsha ǵylymı jáne merzimdi basylymdar shoǵyrlanady. Álemniń jetekshi kitaphanalarynyń nysanaly qoryna qashyqtan qol jetkizýge bolady.
Ǵalymdar men stýdentter Prezıdent ortalyǵynan dıssertaııasy men ǵylymı zertteýleri úshin osy taqyrypta sırek kezdesetin jáne biregeı materıaldardy taba alady.
