Qaraǧandyda taǧy apat. Şahtada qaza tapqandar sany ösıp barady

Qaraǧandy oblysynda Kostenko atyndaǧy şahtada jarylys bolyp, 11 adam qaza tapty. Bıraq qaitys bolǧandar sany öse bastady, dep  habarlaidy «Adyrna» ūlttyq portaly

«ArselorMittal Temırtau» AQ baspasöz qyzmetınıŋıŋ mälımetınşe, şahtada metan jaryluy mümkın.

«Kostenko atyndaǧy şahtada apat bolǧan kezde 252 adam boldy, 205 kenşı jer betıne şyǧaryldy. 7 kenşınıŋ mäiıtı tabyldy. Apat ornynda PVASS qūtqaruşylary jūmysyn jalǧastyruda. Ştab qūryldy. Kenışte Qaraǧandy ​​oblysynyŋ äkımı, «ArselorMittal Temırtau» AQ bas direktory, Qazaqstan Respublikasy Bas prokurorynyŋ bırınşı orynbasary, Qaraǧandy ​​oblysynyŋ prokurory, arnaiy qūqyq qorǧau organdary bar», – delıngen kompaniia habarlamasynda.

Köp ūzamai oblys äkımı Ermaǧanbet Bölekpaev qūrbandar sany 11 bolǧanyn habarlady.

«Türlı dene jaraqattarymen auruhanaǧa 18 adam jetkızıldı. 09:00-degı aqparat boiynşa. Kenşılerdıŋ jaqyndary men tuystaryna qaiǧyra köŋıl aitamyn», – dep jazdy aimaq basşysy.

Qazır oqiǧa ornynda 40 qūtqaruşy, 10 bırlık tehnika men 3 psiholog jūmys ıstep jatyr. Aita keteiık, «ArselorMittal Temırtau» AQ-ǧa qarasty Kostenko şahtasynda bolǧan oqiǧaǧa bailanysty Tötenşe jaǧdailar ministrlıgı men Qaraǧandy ​​oblysy tötenşe jaǧdailar departamentı aqparattyq-psihologiialyq qoldau körsetu üşın senım telefondary ıske qosyldy: (8-7172) 70-41-08, (8-7212) 51- 72-23. Aqordanyŋ habarlauynşa, prezident Qasym-Jomart Toqaev apattan qaza bolǧan kenşılerdıŋ jaqyndaryna köŋıl aitqan. Aqordanyŋ jazuynşa, Toqaev ükımetke "ArselorMittal Temırtaumen" investisiialyq ärıptestıktı toqtatudy tapsyrǧan. Ol oqiǧanyŋ män-jaiyn anyqtau üşın ükımet komissiiasy qūrylǧan bolatyn. Apatqa bailanysty "Tau nemese qūrylys jūmystaryn jürgızu kezınde qauıpsızdık erejelerın būzu" baby (277-bap, 3-bölık) boiynşa sotqa deiıngı tergeu amaldary bastalǧan. Kostenko atyndaǧy şahta, Qaraǧandy kömır basseinındegı özge şahtalar tärızdı, "ArselorMittal Temırtau" kompaniiasyna tiesılı. Kompaniia sonymen bırge Temırtaudaǧy metallurgiia kombinaty men qaladaǧy infraqūrylym nysandaryna ielık etedı. "ArselorMittal Temırtau" arǧy tegı ündı britandyq milliarder Lakşmi Mittalǧa qaraidy. Qazırgı aqparat boiynşa, qaza tapqandar sany 21-ge jettı, taǧy 23 kenşını ızdeu jalǧasuda. 252 kenşınıŋ 208-ı jer betıne şyǧarylyp, onyŋ 18-ı medisinalyq kömekke jügıngen. Soŋǧy derekter boiynşa Kostenko atyndaǧy şahtada saǧat 16:00 jaǧdai boiynşa 32 adamnyŋ denesı tabyldy, 14 kenşını ızdeu jalǧasuda. Eske salaiyq, 17 tamyzda «ArselorMittal Temırtau» kömır departamentıne qarasty «Qazaqstan» şahtasynda konveier lentasy örtenıp, saldarynan bes kenşı qaza tapqan bolatyn.

 «Adyrna» ūlttyq portaly