1 jeltoqsannan bastap qazaqstandyqtar úshin Baıqońyr qalasyna kirip-shyǵý tártibi jeńildeıdi, dep habarlaıdy «Adyrna» tilshisi Qyzylorda telearnasyna silteme jasap.
Endi turǵyndarǵa shaharǵa kirip-shyǵý úshin aldyn ala ruqsat alyp, qujat tapsyrmaıdy.
«Belgilengen tártip boıynsha Baıqońyrǵa qonaqqa nemese is-saparǵa keletin kez kelgen adam 10 kún buryn ótinish berýi kerek. Kelisimge ózgeris engizildi. Uzaq ýaqyt zertteýden keıin sheshim qabyldandy. Pılottyq rejımde 1 jeltoqsannan bastap Qazaqstan azamattaryna ótkizý pýnktinde ruqsattamalar beriledi»,—dedi Qyzylorda oblysy ákiminiń orynbasary jáne prezıdenttiń «Baıqońyr» keshenindegi arnaıy ókili Qaırat Nurtaı.
Aıta keteıik, Baıqońyr – Reseıge uzaq merzimge jalǵa berilgen qazaqstandyq qala. Qalaǵa kirip-shyǵýdyń da óz tártibi bar. Qala aýmaǵyna plıtalar, jan-jaǵyna beınekameralar qoıylǵan.
Qoldanystaǵy memleketaralyq kelisimderge sáıkes, «Baıqońyr» kesheni (onyń quramyna ǵarysh aılaǵy men qala kiredi) 2050 jylǵa deıin Reseı Federaııasyna jalǵa berildi.